.png)
அமெரிக்காவின் அதிநவீன ட்ரோனை சுட்டு வீழ்த்தியதாக ஈரான் நாடு அதிரடியாக அறிவித்திருக்கிறது. அதுமட்டுமில்லாமல், தங்களது வான் எல்லைக்குள் அத்துமீறி நுழைந்த அமெரிக்காவின் போர் விமானத்தை நோக்கித் தாங்கள் தாக்குதல் நடத்தியதாகவும் ஈரான் கூறியிருக்கிறது. அல்-ஜசீரா செய்தி நிறுவனம் வெளியிட்டுள்ள அறிக்கையின்படி, ஈரானின் இஸ்லாமிய புரட்சிகர காவலர் படை இந்தத் தகவலை உறுதிப்படுத்தியுள்ளது. தங்களின் வான் எல்லைக்குள் வந்த ஒரு ஆர்-கியூ-4 ட்ரோன் மற்றும் ஒரு எஃப்-35 ரக போர் விமானத்தை நோக்கித் தங்களது ராணுவத்தினர் துப்பாக்கிச் சூடு நடத்தியதாக அந்தப் படை தெரிவித்துள்ளது.
இந்தச் சம்பவம் எப்போது நடந்தது என்பது குறித்த துல்லியமான நேரத்தை அந்த அறிக்கை இன்னும் வெளியிடவில்லை. இருப்பினும், அமைதிப் பேச்சுவார்த்தைகள் நடந்து கொண்டிருக்கும் இந்தச் சூழலில், இதுபோன்ற சம்பவங்கள் உலக அளவில் பெரும் பரபரப்பை ஏற்படுத்தியுள்ளன. அமெரிக்கா எந்த ஒரு போர் நிறுத்த ஒப்பந்தத்தை மீறினாலும், அதற்குத் தகுந்த பதிலடி கொடுக்கும் உரிமை தங்களுக்கு உண்டு என்றும், அதைத் தாங்கள் நிச்சயம் செய்வோம் என்றும் ஈரானிய காவலர் படை மிகத் தெளிவாக எச்சரித்துள்ளது. தங்களின் இந்த நடவடிக்கை நியாயமானது மற்றும் சட்டப்பூர்வமானது என்பதையும் அவர்கள் வலியுறுத்தியுள்ளனர்.
இந்த மோதலுக்கு முன்பாக, அமெரிக்க ராணுவம் தற்காப்பு நடவடிக்கையாகத் தாங்கள் சில ஏவுகணை தளங்களைத் தாக்கியதாகக் கூறியிருந்தது. தற்போதைய நிலையில், ஏற்கனவே பலவீனமாக இருக்கும் போர் நிறுத்த ஒப்பந்தம் எப்போது வேண்டுமானாலும் முறியலாம் என்ற அச்சம் உலக நாடுகளிடையே எழுந்துள்ளது. ஒரு பக்கம் அமைதிப் பேச்சுவார்த்தைகள் ஒருபுறம் நடந்து கொண்டிருந்தாலும், மறுபுறம் இது போன்ற ராணுவ மோதல்கள் ஈரான் மற்றும் அமெரிக்கா இடையிலான உறவை மேலும் சிக்கலாக்கியிருக்கிறது. இந்தச் சூழல் எங்கே போய் முடியுமோ என்ற பதற்றம் தற்போது அதிகரித்துக் கொண்டே போகிறது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
