திண்டுக்கல் மாநகராட்சி மாமன்ற இயல்பு கூட்டம் இன்று மாநகராட்சி மேயர்  இளமதி தலைமையில் நடைபெற்றது.

மாநகராட்சிக் கூட்டம்

கூட்டத்தில் துணை மேயர் ராஜப்பா, மாநகராட்சி ஆணையர் சிவசுப்பிரமணியன், மற்றும் 48 மாமன்ற உறுப்பினர்கள் கலந்து கொண்டனர். இந்தக் கூட்டத்தில் 92 தீர்மானங்கள் நிறைவேற்றப்பட்டன.

மாநகராட்சி அலுவலகத்தில் கூட்டம் நடந்து கொண்டிருந்த பொழுது மாநகராட்சியின் 14 வது வார்டு மாமன்ற உறுப்பினர் பாஜகவை சேர்ந்த தனபால் திண்டுக்கல் பேருந்து நிலையத்தில் புதிதாக கட்டப்பட்ட 34 கடைகள் ஏலம் விடுவதில் குளறுபடி நடந்துள்ளதாகவும் இதில் ஊழல் நடந்துள்ளதால் மாநகராட்சி ஆணையர் வெள்ளை அறிக்கை தாக்கல் செய்ய வேண்டும் என கூறினார்.

மாமன்ற உறுப்பினர்கள் எதிர்ப்பு

இதற்கு திமுக மற்றும் காங்கிரஸ் மாமன்ற உறுப்பினர்கள் எதிர்ப்பு தெரிவித்து. தனபாலுடன் வாக்குவாதத்தில் ஈடுபட்டனர். இதனை அடுத்து சம்பந்தப்பட்ட அதிகாரி மாநகராட்சி சட்ட திட்டங்களுக்கு உட்பட்டு தான் கடைகள் ஏலம் விடப்பட்டதாகவும் இதில் எந்த ஊழலும் எந்த குளறுபடியும் நடைபெறவில்லை என விளக்கம் அளித்தார். இதனை ஏற்காத தனபால் அதிகாரியுடன் வாக்குவாதத்தில் ஈடுபட்டார். 

துணை மேயர் குற்றச்சாட்டு

இதனைத் தொடர்ந்து துணை மேயர் ராஜப்பா செய்தியாளர்களிடம் பேசுகையில், கடந்த அதிமுக ஆட்சியில் திண்டுக்கல் பேருந்து நிலையத்தில் புதிதாக 34 கடைகள் கட்டப்பட்டது அந்த கடைகள் மாநகராட்சி சட்ட திட்ட விதிகளுக்கு உட்பட்டு முறையாக ஏலம் விடப்பட்டுள்ளது. இதில் எந்த முறைகேடும் நடைபெறவில்லை என்றார் பாஜக மாமன்ற உறுப்பினர் தனபால் மாமன்ற கூட்டங்களில் பொது மக்களின் பிரச்சினைகள் கூறித்து பேசுவதில்லை. 

அரசியல்  கால்புணர்ச்சியாகவே பேசி வருகிறார். மாமன்ற கூட்டத்தில் குழப்பம் விளைவித்து வருகிறார். கடையில் ஏலம் விட்டது தொடர்பாக சம்பந்தப்பட்ட அதிகாரிகள் விளக்கம் அளித்தும் அதனை ஏற்க மறுத்து வாக்குவாதம் செய்வதாக குற்றம் சாட்டினார். இவர் கடை ஏலத்தில் கையூட்டு எதுவும் பெற முடியுமா என எதிர்பார்த்து தான் மாமன்ற கூட்டத்தில் பிரச்சனை எழுப்பி வருவதாக குற்றம் சாட்டினார்.

மதுரை வந்த தமிழ்நாடு எதிர்க்கட்சித் தலைவர் எடப்பாடி பழனிச்சாமிக்கு ஆர்.பி.உதயகுமார் தலைமையிலான அதிமுகவினர் உற்சாக வரவேற்பு அளித்தனர்ர்.

பொதுக்கூட்டங்களில் பங்கேற்பு

மதுரை விருதுநகர் மாவட்டங்களில் நடைபெறும் பொதுக் கூட்டங்களில் பங்கேற்பதற்காக சென்னையில் இருந்து விமான மூலம் மதுரை வந்த முன்னாள் முதல்வரும் எதிர்க்கட்சித் தலைவருமான எடப்பாடி பழனிச்சாமியை மதுரை விமான நிலையத்தில் அதிமுகவினர் சிறப்பான வரவேற்பு அளித்தனர்.

இதைத் தொடர்ந்து விருதுநகர் செல்வதற்காக மதுரை திருமங்கலம் வழியாக மேலக்கோட்டை, சிவரக்கோட்டை, கள்ளிக்குடி உள்ளிட்ட பகுதிகளில் முன்னாள் அமைச்சர் ஆர்.பி.  உதயகுமார் தலைமையிலான அதிமுகவினர் எடப்பாடி பழனிச்சாமிக்கு உற்சாக வரவேற்பு அளித்தனர்.

பழனிச்சாமிக்கு வீரவாள்!

அப்போது மேலக்கோட்டை பகுதியில் முன்னாள் அமைச்சர் ஆர்.பி.உதயகுமாரின் மகள் எடப்பாடி பழனிச்சாமிக்கு வீரவாள் வழங்கிய வரவேற்றார். தொடர்ந்து கள்ளிக்குடி வழியாக விருதுநகரில் நடைபெறும் அதிமுக பொதுக்கூட்டத்தில் பங்கேற்பதற்காக எடப்பாடி பழனிச்சாமி புறப்பட்டு சென்றார்.

தமிழ்நாடு வருவாய்த்துறை ஆணையர் பிரபாகர் முன்னிலையில் தத்ரூபமாக நடைபெற்ற தீயணைப்பு வீரர்களின் மீட்பு ஒத்திகை நிகழ்ச்சி.

பேரிடர் மேலாண்மை

நாகை மாவட்டத்தில் மேற்கொண்டுள்ள பேரிடர் மேலாண்மை குறித்த முன்னேற்பாடுகள் பணிகளை தமிழக வருவாய் நிர்வாக ஆணையர் பிரபாகர் நேரில் ஆய்வு செய்தார். பாப்பாக்கோவில் பகுதியில் உள்ள கோவில் குளத்தில் தத்ரூபமாக நடைபெற்ற மீட்பு ஒத்திகையை வருவாய் ஆணையர் நாகை மாவட்ட ஆட்சியர் உள்ளிட்ட அதிகாரிகள் நேரில் ஆய்வு செய்தனர். ஐந்து 108 வாகனங்கள், 4 தீயணைப்பு வாகனங்கள் பயன்படுத்தப்பட்டு சைரன் சத்தம் ஒலிக்க பரபரப்பாக நடைபெற்ற ஒத்திகை நிகழ்ச்சியில்

மீட்புப் பணி

நீரில் மூழ்கியவர்களை ரப்பர் படகு உள்ளிட்ட உபகரணஙகள் மூலம் வெள்ளத்தில் சிக்கியவர்களை காப்பாற்றுதல் மற்றும் முதலுதவி அளித்தல் பற்றி தத்ரூபமாக விளக்கம் அளிக்கப்பட்டது. இரத்த காயங்களுடன் அடிபட்டவர்களை தூக்குதல், மூச்சுக்குழல் அடைப்பு ஏற்பட்டவருக்கு முதலுதவி அளிப்பது,  வெள்ளத்தில் சிக்கியவர்களை கண்டுபிடித்து காயத்தின் தன்மைக்கு ஏற்றவாறு கைகளில் வண்ண ரிப்பன்களை கட்டுதல், போன்ற மீட்பு நடவடிக்கைகள் நிகழ்த்தப்பட்டன. 

அவசரகால பெட்டகங்கள் ஆய்வு

ஸ்கூபா போன்ற அதி நவீன மிதக்கும் கருவிகளை கொண்டு நடந்த ஒத்திகை நிகழ்ச்சியில் தண்ணீரில் தத்தளித்த கால்நடையை காப்பாற்றி கால்நடை மருத்துவமனைக்கு அனுப்பி வைக்கப்பட்டது. பின்னர் தமிழ்நாடு பேரிடர் மேலாண்மையின் கீழ் நாகப்பட்டினம் மாவட்டத்தில் ஆப்தமித்ரா திட்டத்தின்கீழ் பயிற்சி அளிக்கப்பட்ட தன்னார்வலர்களுக்கு வழங்கப்பட்டுள்ள அவசர கால பெட்டக உபகரணங்களை ஆய்வு செய்த வருவாய் நிர்வாக ஆணையர் பிரபாகர் ஒத்திகை நிகழ்வில் ஈடுபட்ட தீயணைப்பு வீரர்கள் மற்றும் தன்னார்வலர்களை வெகுவாக பாராட்டினார். ஏராளமாக வாகனங்கள் சைரன் ஒளி எழுப்பி நடைபெற்ற ஒத்திகை நிகழ்ச்சியால் அந்த பகுதியில் சிறிது நேரம் பரபரப்பு ஏற்பட்டது.

தூய்மை பணியாளர்கள் சாலை மறியல் போராட்டத்தில் ஈடுபட்டு தொடர்ந்து மண்டல அலுவலகத்தில்  காலவரையற்ற வேலை நிறுத்த போராட்டத்தில் ஈடுபட்டனர்.

குப்பைகள் தேக்கமா?

இதனால் சென்னை மாநகராட்சி அம்பத்தூர் மண்டலம் ஏழில் உள்ள   1  1 வார்டுகளில்  சுமார்   132 டன் குப்பைகள் தேக்கமடையும் அபாயம்.இன்று மாலை சென்னை மாநகராட்சி மண்டலம் 7 க்கு உட்பட்ட அம்பத்தூர் பகுதியில் பணிபுரியும் சுமார்   1682 தூய்மை பணியாளர்கள் ஒன்றாக சேர்ந்து  பல்வேறு கோரிக்கைகளை வலியுறுத்தி சென்னை மாநகராட்சி மண்டல 7 அலுவலகத்த்தில்   1மணி நேரம் பேச்சுவார்த்தை நடைபெற்றது.

பேச்சுவார்த்தை

பேச்சுவார்த்தை தோல்வி அடைந்த நிலையில் திடீர் சாலை மறியல் ஈடுபட்டனர் சுமார் ஒரு மணி நேரம் நடைபெற்ற இந்த சாலை மறியல் போராட்டத்தில் சாலை இருபுறமும் போக்குவரத்து நெரிசல் ஏற்பட்டது. இதனால்  காவல் துறையினர் தடியடி நடத்தி கூட்டத்தை கலைக்க முயற்சி செய்ததில் தூய்மை பணியாளர்கள் தாக்கப்பட்டதாகவும் மற்றும் தங்கள் கோரிக்கையை நிறைவேற்ற வேண்டி தொடர் போராட்டத்தில் ஈடுபட்டனர்.

தூய்மைப் பணியாளர்கள் கோரிக்கை

  1.சென்னை உயர்நீதிமன்ற தீர்ப்பை மதிக்க வேண்டியும்.

2. 7.  1.2022 தேதி அன்று சென்னை உயர்நீதி மன்றம் வழங்கிய தீர்ப்பின் படி தூய்மை பணியாளர்களுக்கு குறைந்தபட்ச சம்பளம்   18,4  10 உடனடியாக வழங்கிடவும்.

3.பெருநகர சென்னை மாநகராட்சியே ! மாண்புமிகு தமிழக முதல்வர் எதிர்கட்சி தலைவராக இருக்கும் போது

பணி நிரந்தரம் செய்து தருவதாக கூறிய வாக்குறுதியை நிறைவேற்ற வேண்டியும்.

கடந்த   19.0  1.2  1 அன்று பெருநகர சென்னை மாநகராட்சிக்கு பல முறை உழைப்போர் உரிமை இயக்கம் 7 வது மண்டல தூய்மை பணியாளர்கள்   1682 ஓப்பந்த தூய்மை பணியாளர்கள் சார்பில்  மனு அளித்து பேச்சுவார்த்தை நடத்தியும் எந்தவித நடவடிக்கை எடுக்கப்படாததால் இந்த தொடர் காலவரையற்ற வேலை நிறுத்தத்தில் இன்று இரவு முதல் ஈடுபடவுள்ளனர்.

இதில் ஒப்பந்த அடிப்படையில் பணியாற்றும் தூய்மை பணியாளர்கள்    1457  பேர்,மலேரியா டெங்கு பணியாளர்கள் 225 பேர் என மொத்தம்   1682 ஓப்பந்த தூய்மை பணியாளர்கள் கால வரையற்ற வேலை நிறுத்தத்தில் இன்றுமுதல் ஈடுபட உள்ள நிலையில்

சென்னை மாநகராட்சி மண்டலம் 7ல்   1 வார்டுக்கு   12 டன் குப்பை வீதம்    1  1 வார்டுகளில்    132 டன் குப்பை தேக்கமடையும் அபாயம் ஏற்பட்டுள்ள நிலையில் தற்பொழுது தொடர்ந்து போராட்டம் நடைபெற்று வருகிறது.

வேலூர்: ஒடுக்கத்தூர் அடுத்த சின்னம்பள்ளி குப்பத்தை சேர்ந்த தையல் தொழிலாளி சதீஷ் - நந்தினி தம்பதியினரின் இளைய மகன் துர்கபிரசாந்த் (13) கடந்த ஞாயிற்று கிழமை (25.09.2022) மாலை, பாக்கம் பகுதியில் உள்ள கோவிலுக்கு சென்றுவிட்டு சைக்கிளில் வீடு திரும்பும் போது, சிறுவனின் மிதிவண்டி மீது மது போதையில் சென்ற அடையாளம் தெரியாத நபரின் இருசக்கர வாகனம் மோதியது.

மேலும் படிக்க | மெட்ரோவில் பயணித்த இதயம்! சிறப்பு மெட்ரோவின் வைரல் போட்டோக்கள்!

அதில் தலையில் பலத்த காயம் அடைந்த சிறுவன் துர்காபிரசாத்தை மீட்டு  அடுக்கம்பாறையில் உள்ள வேலூர் அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் இன்று  மூளைச்சாவு அடைந்து உள்ளார்.

மேலும் படிக்க | மாணவியின் உடலுறுப்புகள் தானம் செய்த பெற்றோர்!

இதனை அடுத்து அவரது பெற்றோரின் அனுமதியோடு சிறுவனின் கல்லீரல் சென்னை எம்.ஜி.எம் மருத்துவமனைக்கும், சிறுநீரகம் ஒன்று எம்.ஜி.எம் மருத்துவமனைக்கும் மற்றொரு சிறுநீரகம் சென்னை ராமசந்திரா மருத்துவமனைக்கும், உடல் உறுப்புகள் தானமாக வழங்கப்பட்டுள்ளது.

மேலும் படிக்க | கணவர்களுக்கு உறுப்பு தானம் செய்த மனைவிகள்! தலைநகரில் நடந்த நெகிழ்ச்சி சம்பவம்!

இறந்த மாணவரின் பெற்றோர் தங்களின் மகன் உயிரிழப்பு காரணம் மது போதையில் இருசக்கர வாகனம் ஓட்டிய அடையாளம் தெரியாத நபர் தான் என கூறினர். மேலும், மதுவால் ஏற்படும் விபத்துகளை தடுக்க அரசு நடவடிக்கை எடுக்க வேண்டுமெனவும் - மூளைசாவு அடைந்தவர்களின் உடல் உறுப்புகளை அனைவரும் மற்றவர்கள் வாழ்வு பெற தானமாக அளிக்க வேண்டுமெனவும் பெற்றோர்கள் கோரிக்கை விடுத்துள்ளனர்.

மேலும் படிக்க | கல்லீரலையும் நிலத்தையும் விட்டுக்கொடுத்து, குழந்தையை மீட்ட தந்தை! நெகிழ வைத்த வைரல் சம்பவம்!