பிரபல அமெரிக்க ராப் பாடகர் கன்யே வெஸ்ட் டுவிட்டர் கணக்கு முடக்கப்பட்டதால் ரசிகர்கள் அதிர்ச்சியடைந்துள்ளனா். ஹாலிவுட் ராப் இசை பாடகர் கன்யே வெஸ்ட், பல முறை கிராமி விருதுகளை வென்றவர். அவருக்கு பல்லாயிரக்காணக்கான ரசிகர்கள் உள்ளனர்.

இந்நிலையில், ஹிட்லர் மற்றும் நாசிசவாதம் குறித்து சர்ச்சைக்குரிய கருத்துக்களையும் பாடகர் கன்யே வெஸ்ட் தெரிவித்திருந்தார். மேலும் எலான் மஸ்க் - கன்யே வெஸ்ட் இடையேயான உரையாடல்களையும் அவர் தனது டுவிட்டர் பக்கத்தில் பதிவிட்டு சர்ச்சையை ஏற்படுத்தினார்.

எனவே அவரது கருத்துக்கள் வன்முறையை தூண்டும் வகையில் இருந்ததால் டுவிட்டர் முற்றக்கப்பட்டதாக தெரிவிக்கப்பட்டுள்ளது.

மேலும் படிக்க | குறைந்த தாய்- சேய் இறப்பு விகிதம்...பிரதமர் பெருமிதம்!!!

I tried my best. Despite that, he again violated our rule against incitement to violence. Account will be suspended.

— Elon Musk (@elonmusk) December 2, 2022

பாகிஸ்தானுக்கு கச்சா எண்ணெயில் 30-40 சதவீதம் தள்ளுபடி வழங்க ரஷ்யா மறுத்துவிட்டது. அப்படியொரு சலுகை வழங்கப்பட மாட்டாது என்று ரஷ்யா தெளிவாகக் கூறியதால், பாகிஸ்தான் தூதுக்குழு வெறுங்கையுடன் திரும்ப வேண்டியதாயிற்று.

பாகிஸ்தான் தூதுக்குழு: 

பாகிஸ்தானின் பெட்ரோலியத்துறை அமைச்சர் முசாதிக் மாலிக் தலைமையிலான குழு நவம்பர் 29ஆம் தேதி ரஷ்யா சென்றது.  இந்த தூதுக்குழு நவம்பர் 30 அன்று ரஷ்ய அதிகாரிகளுடன் பேச்சுவார்த்தை நடத்தி மலிவான விலையில் எண்ணெய் வழங்க கோரிக்கை வைத்துள்ளது.  இந்தியாவைப் போல எண்ணெய் விலையில் 30-40 சதவீதம் தள்ளுபடி வழங்கப்பட வேண்டும் என்று பாகிஸ்தான் அதிகாரிகள் கேட்டுள்ளனர். 

இந்தியாவைப் போல:

இந்தியாவைப் போன்று கச்சா எண்ணெயில் சலுகை கிடைக்கும் என எதிர்பார்த்து ரஷ்யா சென்ற பாகிஸ்தான் தூதுக்குழு பெரும் பின்னடைவை சந்தித்துள்ளது.  பாகிஸ்தானுக்கு கச்சா எண்ணெயில் 30-40 சதவீதம் தள்ளுபடி வழங்க ரஷ்யா மறுத்துவிட்டது.  அப்படியொரு சலுகை வழங்கப்பட மாட்டாது என்று ரஷ்யா தெளிவாகக் கூறியதால், பாகிஸ்தான் தூதுக்குழு வெறுங்கையுடன் திரும்ப வேண்டியதாயிற்று.

-நப்பசலையார்

இதையும் படிக்க:  உலக அளவில் அவப்பெயர் பெற்ற இந்தியா....காரணம் இதுவா?!!!

இந்தியாவில் உள்ள குடிமக்களின் பாதுகாப்பை கருத்தில் கொண்டு இரவில் வெளியே செல்ல வேண்டாம் என தென் கொரிய தூதரகம் வேண்டுகோள் விடுத்துள்ளது.

கொரியாவின் வேண்டுகோள்:

மகாராஷ்டிராவின் மும்பை தெருவில் தென்கொரிய பெண் ஒருவர் இரவில் தனியாக நடந்து சென்றுள்ளார்.  அப்போது அவர் மீது பாலியல் சீண்டல் நடந்துள்ளது. இதனைத் தொடந்து மக்களின் பாதுகாப்பு கருதி இந்தியாவில் உள்ள தென்கொரிய மக்கள் இரவில் வெளியே செல்ல வேண்டாம் என தென் கொரிய தூதரகம் வேண்டுகோள் விடுத்துள்ளது.  இந்திய நகரங்களில் இரவில் வெளியே செல்வது பாதுகாப்பானது அல்ல என்றும் கூறியுள்ளது. 

நடந்தது என்ன?:

தென்கொரியாவை சார்ந்த பெண் ஒருவர் மும்பையின் புறநகர் பகுதியில் இரவு எட்டு மணியளவில் 'நேரலை' செய்து கொண்டிருந்தார்.  அப்போது, ​​அந்த பெண்ணின் அருகில் வந்த இளைஞர் ஒருவர், பெண்ணின் கையைப் பிடித்து இழுக்க முயற்சித்துள்ளார்.  அதோடு நில்லாமல் அந்த பெண்ணை பின்தொடர்ந்துள்ளார்.  இந்த சம்பவத்தின் வீடியோ வைரலானதையடுத்து, அந்த பெண்ணை துன்புறுத்தியவர்களை கைது செய்யுமாறு சமூக வலைதளங்களில் மக்கள் கோரிக்கை விடுத்துள்ளனர்.  இதையடுத்து இருவரையும் போலீசார் கைது செய்துள்ளனர்.

வெளியுறவு அமைச்சகம் கூறியது என்ன?:

இதற்கிடையில், தென் கொரிய தூதரகம் இந்தியாவை தொடர்பு கொண்டதா என்பது குறித்த கேள்விக்கு இதுவரை எந்த தகவலும் இல்லை என்று வெளியுறவு துறை அமைச்சகத்தின் செய்தித் தொடர்பாளர் அரிந்தம் பாக்சி தெரிவித்துள்ளார்.  மேலும் பாதிக்கப்பட்ட பெண்ணுக்கு உள்ளூர் நிர்வாகத்தினால் போதிய பாதுகாப்பு வழங்கப்பட்டு வருவதாகவும் அவர் கூறியுள்ளார். 

காவல்துறையின் நடவடிக்கையால் கொரிய பெண் மகிழ்ச்சி:

இச்சம்பவத்திற்குப் பிறகு, தென் கொரியாவைச் சேர்ந்த பெண் யூடியூபர் தனது அறிக்கையில் காவல்துறையின் நடவடிக்கை மகிழ்ச்சி அளிப்பதாக தெரிவித்துள்ளார்.  தொடர்ந்து பேசிய யூடியூபர் ஹியோஜியோங் பார்க், இது போன்ற சம்பவம் இதற்கு முன்பும் எனக்கு முன்பு வேறொரு நாட்டிலும் நடந்தது எனவும் ஆனால் அந்த நேரத்தில் காவல்துறையை அழைக்க முடியவில்லை என்றும் கூறியுள்ளார்.  

ஆனால் இதற்கு எதிர்மாறாக இந்தியாவில் மிக வேகமாக நடவடிக்கை எடுக்கப்பட்டு வருகிறது எனவும் கடந்த மூன்று வாரங்களாக மும்பையில் இருப்பதாகவும், இப்போது நீண்ட காலம் தங்க திட்டமிட்டுள்ளதாகவும் அவர் தெரிவித்துள்ளார். 

குற்றவாளிகள்:

மும்பையில் நேரடி ஒளிபரப்பின் போது தென் கொரிய பெண் யூடியூபரை துன்புறுத்திய இரண்டு குற்றம் சாட்டப்பட்ட மொபீன் சந்த் முகமது ஷேக் மற்றும் முகமது நகிப் சத்ரியாலம் அன்சாரி ஆகியோர் ஒரு நாள் போலீஸ் காவலில் வைக்கப்பட்டுள்ளனர்.

-நப்பசலையார்

இதையும் படிக்க:   குஜராத்தில் முடிவடைந்த முதற்கட்ட தேர்தல்...!!!!

கூகுள் டூடுல், நவீன கேமிங்கில் முன்னோடியான ஜெர்ரி லாசனின் 82 வது பிறந்த நாளை முன்னிட்டு இன்டராக்டிவ் கேமுடன் கொண்டாடுகிறது. 

ஜெர்ரி லாசன் : 

ஜெரால்ட் ‘ஜெர்ரி’ லாசன், ஒன்றுக்கொன்று மாற்றக்கூடிய கேம் கார்ட்ரிட்ஜ்களுடன் முதல் ஹோம் வீடியோ கேமிங் சிஸ்டத்தை உருவாக்கிய குழுவை வழிநடத்துவதில் புகழ்பெற்றவர்.நவீன கேமிங்கில் முன்னோடியாகத் திகழும் ஜெரால்ட் ‘ஜெர்ரி’ லாசனின் 82வது பிறந்தநாளில் ஊடாடும் கேமுடன் கூகுள் டூடுல் அவருக்கு அஞ்சலி செலுத்தியுள்ளது. லாசன், ஒன்றுக்கொன்று மாற்றக்கூடிய கேம் கார்ட்ரிட்ஜ்களுடன் முதல் ஹோம் வீடியோ கேமிங் சிஸ்டத்தை உருவாக்கிய குழுவை வழிநடத்துவதில் புகழ் பெற்றவர். இந்த ஊடாடும் கேமை கூகுள் கூறியபடி, அமெரிக்க விருந்தினர் கலைஞர்கள் மற்றும் கேம் வடிவமைப்பாளர்களான டேவியோன் குடன், லாரன் பிரவுன் மற்றும் மோமோ பிக்சல் ஆகியோரால் வடிவமைக்கப்பட்டது. 

ஜெர்ரி லாசன் சிறப்பு : 

கலிபோர்னியாவில் ஃபேர்சைல்டின் வீடியோ கேம் துறையின் பொறியியல் மற்றும் சந்தைப்படுத்தல் இயக்குநராக அவர் பணியாற்றிய போது, ​​அவரது குழு ஃபேர்சைல்ட் சேனல் எஃப் அமைப்பை உருவாக்கியது. பரிமாற்றக்கூடிய கேம் கார்ட்ரிட்ஜ்கள், 8-வே டிஜிட்டல் ஜாய்ஸ்டிக் மற்றும் இடைநிறுத்தப்பட்ட மெனு ஆகியவற்றைக் கொண்ட முதல் வீடியோ கேம் சிஸ்டம் கன்சோல் இதுவாகும். சேனல் எஃப் அடாரி, எஸ்என்இஎஸ், ட்ரீம்காஸ்ட் மற்றும் பல போன்ற எதிர்கால கேமிங் அமைப்புகளின் வளர்ச்சிக்கு வழிவகுத்தது.1980 இல், லாசன் வீடியோசாஃப்டைத் தொடங்கினார், இது கறுப்பினருக்குச் சொந்தமான முந்தைய வீடியோ கேம் மேம்பாட்டு நிறுவனங்களில் ஒன்றாகும். வீடியோசாஃப்ட் அடாரி 2600 மென்பொருளை உருவாக்கியது, இது லாசன் மற்றும் அவரது குழுவினரால் உருவாக்கப்பட்ட கெட்டியை வெளிச்சத்தில் வைத்தது. ஐந்து ஆண்டுகளுக்குப் பிறகு நிறுவனம் மூடப்பட்டபோது, ​​லாசன் தொழில்துறையில் ஒரு ஆழமான முத்திரையை உருவாக்கினார், பாராட்டுகளை வென்றார். 

உலகப்புகழ் பெற்ற ஜெர்ரி : 

1940 களில் குழந்தையாக இருந்தபோது, ​​அவர் ஜார்ஜ் வாஷிங்டன் கார்வரால் ஈர்க்கப்பட்டார். அந்த உத்வேகம் எலக்ட்ரானிக்ஸில் ஒரு தொழிலைத் தொடர அவரது விருப்பத்தைத் தூண்டிய தீப்பொறியை வழங்கியது. அவர் செய்ததை விரும்பினார், அவர் விரும்பியதைச் செய்தார் .லாசனின் சாதனைகள் நியூயார்க்கில் உள்ள ரோசெஸ்டரில் உள்ள உலக வீடியோ கேம் ஹால் ஆஃப் ஃபேமில் இடம்பெற்றுள்ளன. 2011 ஆம் ஆண்டில் சர்வதேச கேம் டெவலப்பர்ஸ் அசோசியேஷன் மூலம் அவர் ஒரு தொழில்துறை டிரெயில்பிளேசராக கௌரவிக்கப்பட்டார்.  

கூகுள் டூடுல் மாற்றம் : 

கூகுள் டூடுலில் அவரது 82 வது பிறந்த நாளை கொண்டாடும் நோக்கமாக அவரது நினைவாக வீடியோ கேம் மூலமாக திறந்து அவரை பற்றி டஹ்கவல் தெரிந்து கொள்ளுமாறு ஏற்பாடு செய்யப்பட்டுள்ளது.அது மட்டுமில்லாமல் அதில் நான்கு வகையான வீடியோ கேம் விளையாடலாம்,அது போல டிசைன் செய்யப்பட்டுள்ளது. 

குரங்கு அம்மைக்கு புதிய பெயரை வெளியிட்டுள்ளது உலக சுகாதார அமைப்பு.

குரங்கு அம்மை:

குரங்கு அம்மை, விலங்குகளிலிருந்து மனிதனுக்கு பரவும் ஒரு வகை வைரஸ் தொற்று ஆகும். இது முதன் முதலில் காங்கோ நாட்டில் 1970 ஆம் ஆண்டு கண்டறியப்பட்டது. இந்த வைரஸ் தொற்று உண்டாவது மிக அரிதான ஒன்று. 

ஆப்பரிக்கா:

தொடக்கத்தில் குரங்குகளிடையே பரவி வந்த இந்த நோய் தற்போது மனிதர்களிடையே அதிகமாக பரவத் தொடங்கியுள்ளது. அதிலும் குறிப்பாக ஆப்பரிக்க நாடுகளில் அதிகமாக பரவும் நிலையில், குரங்கு அம்மை என்ற பெயர் கருப்பினத்தவர்களை இழிவுபடுத்தக் கூடும் என்பதால் புதிய பெயர் வைக்கப்பட்டுள்ளது.

இதையும் படிக்க: ஒரே வாரத்தில் வீடு..! வீட்டிற்கே சென்று ஆணை வழங்கிய முதலமைச்சர் ஸ்டாலின்..!

புதிய பெயர்:

அந்த வகையில், குரங்கு அம்மைக்கு ‘எம்-அம்மை’ (M-POX) என்ற புதிய பெயரை வெளியிட்டுள்ளது உலக சுகாதார அமைப்பு. மேலும், குரங்கு அம்மை என்ற பெயரின் பயன்பாடும் படிப்படியாக பழக்கத்தில் இருந்து குறைக்கப்படும் எனவும் தெரிவித்துள்ளது.