.png)
அன்பார்ந்த மாலை முரசு வாசகர்களே... ஒவ்வொரு துறைக்கும் சக்தியை கொடுப்பதற்கு ஒரு அதிதேவதை உள்ளது... அதிதேவதை என்றால் கிரகங்கள் நம் வாழ்க்கையில் என்ன செய்ய காத்திருக்கின்றன என்பதை பொறுத்து நம் வாழ்க்கை தன்மை மாறும்... அப்படி நன்றாக போவதற்கும் பிரச்சனைகளிலிருந்து நம்மை காப்பாற்றுவதற்கும் ஒவ்வொரு கிரகத்திற்கும் ஒரு தேவதை உண்டு... அதாவது தெய்வம் உண்டு... சந்திரன் ஜாதகத்தில் மிகுந்த வலிமையுடன் இருந்தாலோ அல்லது சந்திர திசை புத்தி அந்தரம் போன்றவை உங்களுக்கு நடந்தாலோ... கோல்சார கிரகத்தில் குரு பகவான் உங்களுடைய பிறந்த நட்சத்திர சந்திரனை பார்த்தாலோ ஹோட்டல் பிசினஸ் தொடர்பான எண்ணங்கள் அல்லது செயல்பாடுகள் உங்களுக்கு வந்து சேரும்...
சிலர் பரம்பரை பரம்பரையாக உணவுத் தொழிலில் ஈடுபட்டுக் கொண்டிருப்பார்கள் அவர்களுக்கு நிச்சயமாக நல்ல முறையில் உணவுத் தொழில் கை கொடுக்கும்... உணவிற்கான கிரகம் சந்திரன்... சந்திரன் மட்டும்தான் நாம் உட்கொள்கின்ற உணவிற்கு காரக கிரகமாக விளங்குகிறது... நாம் எவற்றை உட்கொண்டாலும் அவை வயிற்றுக்குள் சென்று கூழாகி பின்பு சக்தியாக மாறி உடலில் கலக்கின்றன... இப்படியான சூழ்நிலையில் தண்ணீரின் அம்சமான சந்திரனுக்கு உணவின் காரகத்துவத்தை நம் முன்னோர்கள் கொடுத்திருக்கிறார்கள்... ருசியாக ஒருவர் உணவு சமைக்க வேண்டும் என்றால் அவருக்கு சந்திரனின் அம்சம் பரிபூரணமாக இருக்க வேண்டும்... நம் வீட்டில் நமக்கு உணவு கொடுப்பவர் யார் தாயார்... பிறந்தவுடன் ஒரு குழந்தைக்கு பால் என்ற ஒன்றைக் கொடுத்து உயிர் வாழ வைப்பது யார் நம் தாய் தான்... அதற்காகத்தான் சந்திரன் காரகத்துவங்களில் தாயும் ஒன்றாக வருகிறது...
சரி ஹோட்டல் தொழில் கொடிகட்டி பறக்க வேண்டும் என்றால் பகவான் ஸ்ரீ கிருஷ்ணரின் வழிபாட்டை மேற்கொள்ள வேண்டும்... காரணம் என்ன பகவான் ஸ்ரீ கிருஷ்ணர் சந்திரன், உச்சம் பெறும் ராசியான ரிஷபத்தில் தன்னுடைய சுய நட்சத்திரமான ரோகிணியில் உச்சம் பெறுகிறார்... அதாவது ஸ்ரீ கிருஷ்ணர் பிறந்தது ரோகிணி நட்சத்திரம்... இப்படியாக தயிர் பால் வெண்ணை நெய் போன்றவற்றை விரும்பி உண்ணும் பகவான் ஸ்ரீ கிருஷ்ணர் தான் சந்திர வம்சம் பரிபூரணமாக பொருந்திய கடவுள்... அவரை வழிபட்டு உங்களுக்கான நல்ல பலன்களை நீங்கள் அடையலாம்...
ஹோட்டலுக்கு முன்பாக பெரிய கிருஷ்ணர் படத்தை வாங்கி மாட்டி வையுங்கள்... கிருஷ்ணரை தினம் தினம் பூஜித்த பின்பாக உங்களுடைய ஹோட்டல் தொழிலை நடத்துங்கள்... கிருஷ்ணருக்கு மிகவும் பிடித்த வெண்ணையை அவருக்கு பிரசாதமாக வழங்கலாம்.. கிருஷ்ண பகவானின் முழு ஆசியை நீங்கள் பெற்றுவிட்டாலே போதும் உங்களுடைய உணவகத்திற்கு வாடிக்கையாளர்கள் விரும்பி வந்து சாப்பிடுவார்கள்... கிருஷ்ணரை மட்டும் வணங்கினால் போதுமா என்றால் நிச்சயமாக அவரவர் குல தெய்வத்தையும் இஷ்ட தெய்வத்தையும் எப்பொழுதும் இடைவிடாமல் வணங்க வேண்டும் அதனுடன் சேர்த்து கிருஷ்ண பகவான் வழிபாடு உணவக பிசினஸை அடுத்த கட்டத்திற்கு எடுத்துச் செல்லும்... உணவே ஒரு மனிதனுக்கு பிரதானமானது... உணவு இல்லை எனில் நிச்சயமாக உயிர்கள் வாழ இயலாது... தண்ணீராகவோ காற்றாகவோ ஏதோ ஒரு வகையில் உணவு என்பது நம் உடலுக்குள் சென்று கொண்டே தான் இருக்கிறது... ஆகையால் பகவான் ஸ்ரீ கிருஷ்ணரின் அருள் ஆசியுடன் நீங்கள் உணவகத் தொழிலில் இருப்பவர்கள் அதனை தொடங்கி பாருங்கள் அதிலிருந்து 48 நாட்களுக்கு கிருஷ்ண பகவானின் ஆசியுடன் நடத்துங்கள் வெற்றி அடைவீர்கள் வாழ்த்துக்கள் வணக்கம்!!!!
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
