.png)
சன்ரைசர்ஸ் ஹைதராபாத் அணியின் ஆல்-ரவுண்டர் நிதிஷ் குமார் ரெட்டி, தற்போது நடைபெற்று வரும் ஐபிஎல் 2026 தொடரில் தனது அபாரமான ஆட்டத்தால் அனைவரது கவனத்தையும் ஈர்த்து வருகிறார். கிரிக்கெட் மைதானத்தில் மட்டும் மிரட்டாமல், நிஜ வாழ்க்கையிலும் ஒரு மிகப்பெரிய மைல்கல்லை அவர் எட்டியுள்ளார். நிதிஷ் ரெட்டி தற்போது உலகப் புகழ்பெற்ற 'ரேஞ்ச் ரோவர் ஆட்டோபயோகிராபி' (Range Rover Autobiography) என்ற விலையுயர்ந்த சொகுசு காரை வாங்கியுள்ளார். இதன் மூலம் கங்கனா ரணாவத், சஞ்சய் தத், ஷில்பா ஷெட்டி மற்றும் ஜான்வி கபூர் போன்ற முன்னணி திரை நட்சத்திரங்களின் பட்டியலில் 22 வயதேயான இந்த இளம் கிரிக்கெட் வீரரும் இணைந்துள்ளார்.
சமூக வலைதளங்களில் வைரலாகி வரும் வீடியோக்களில், நிதிஷ் ரெட்டி தனது குடும்பத்தினருடன் இந்த புதிய சொகுசு காரில் வலம் வருவதைக் காண முடிகிறது. 'பதுமி கோல்ட்' (Batumi Gold) என்ற கவர்ச்சிகரமான நிறத்தில் மின்னும் இந்த காரை அவர் டெலிவரி எடுக்கும் காட்சிகள் ரசிகர்களை உற்சாகப்படுத்தியுள்ளது. கடந்த ஏப்ரல் 18-ம் தேதி சென்னை சூப்பர் கிங்ஸ் அணிக்கு எதிரான விறுவிறுப்பான போட்டியில், சன்ரைசர்ஸ் ஹைதராபாத் அணி 10 ரன்கள் வித்தியாசத்தில் வெற்றி பெற்றது. அந்தப் போட்டியில் நிதிஷ் ரெட்டியின் சிறப்பான பந்துவீச்சு வெற்றிக்கு முக்கிய காரணமாக அமைந்தது. இந்த வெற்றிக் கொண்டாட்டங்களுக்கு மத்தியிலேயே அவர் இந்த புதிய காரை வாங்கியுள்ளார்.
தொழில்நுட்ப ரீதியாக இந்த ரேஞ்ச் ரோவர் கார் மிகவும் சக்தி வாய்ந்தது. இதன் டாப் வேரியண்டில் 4.4 லிட்டர் வி8 இன்ஜின் பொருத்தப்பட்டுள்ளது. இது 522 ஹெச்பி பவரையும், 750 என்எம் டார்க்கையும் வெளிப்படுத்தும் திறன் கொண்டது. இந்த கார் வெறும் 4.6 வினாடிகளில் 0 முதல் 100 கிலோமீட்டர் வேகத்தை எட்டிவிடும். இதன் அதிகபட்ச வேகம் மணிக்கு 250 கிலோமீட்டர் ஆகும். மைல்ட்-ஹைப்ரிட் சிஸ்டம் கொண்ட இந்த காரில் டீசல் மற்றும் பிளக்-இன் ஹைப்ரிட் எனப் பல ஆப்ஷன்கள் உள்ளன. இதில் நிதிஷ் ரெட்டி எந்த மாடலைத் தேர்ந்தெடுத்தார் என்பது குறித்த அதிகாரப்பூர்வ தகவல் இன்னும் வெளியாகவில்லை.
காரின் உட்புறம் ஒரு அரண்மனை போலவே வடிவமைக்கப்பட்டுள்ளது. நீண்ட நேரம் கிரிக்கெட் பயிற்சியில் ஈடுபட்டு களைப்பாக வரும் வீரர்களுக்கு இதமளிக்கும் வகையில், மசாஜ் வசதி கொண்ட பவர் அட்ஜஸ்டபிள் சீட்கள் இதில் உள்ளன. காரின் உள்ளே இருக்கும் பிவி ப்ரோ (Pivi Pro) இன்ஃபோடெயின்மென்ட் சிஸ்டம் மூலம் ஆப்பிள் கார்ப்ளே மற்றும் ஆண்ட்ராய்டு ஆட்டோ வசதிகளைப் பயன்படுத்தலாம். மேலும் 29 ஸ்பீக்கர்களைக் கொண்ட மெரிடியன் சரவுண்ட் சவுண்ட் சிஸ்டம் காரையே ஒரு இசை அரங்கமாக மாற்றும். நான்கு மண்டல கிளைமேட் கண்ட்ரோல் மற்றும் விஐபி சொகுசு வழங்கும் பின்புற இருக்கைகள் இந்த காரின் சிறப்பம்சமாகும்.
பாதுகாப்பு விஷயத்திலும் இந்த கார் எந்த சமரசமும் செய்து கொள்ளவில்லை. 360 டிகிரி கேமரா, டைனமிக் ஸ்டெபிலிட்டி கண்ட்ரோல் (DSC), பல ஏர்பேக்குகள் மற்றும் மேம்பட்ட டிரைவர் அசிஸ்டன்ஸ் சிஸ்டம் (ADAS) போன்ற நவீன பாதுகாப்பு வசதிகள் இதில் இடம்பெற்றுள்ளன.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
