“நீ இதை என்ஜாய் பண்றியா?” - பூங்காவில் வைத்து கொடூரமாக சீரழிக்கப்பட்ட 18 வயது இளம்பெண்! பாகிஸ்தானிய அகதி கைது!

பூங்காவில் போதையில் இருந்த 18 வயது இளம்பெண்ணை பாலியல் வன்கொடுமை செய்ததற்காக, பாகிஸ்தானைச் சேர்ந்த அகதி ஒருவருக்கு இங்கிலாந்து நீதிமன்றம் 10 ஆண்டுகள் சிறைத்தண்டனை விதித்துள்ளது. 

இந்த வன்கொடுமை சம்பவம் 2025 ஜூன் மாதம் இங்கிலாந்தின் ஒரு பூங்காவில் நடந்துள்ளது. குற்றம் சாட்டப்பட்டவர் பாகிஸ்தானிய அகதி, ஷெராஸ் மாலிக் என அடையாளம் காணப்பட்டுள்ளார். 28 வயதான மாலிக் அவருடன் இருந்த நண்பர்களும், சட்டன் லான் பூங்காவில் 18 வயது பெண் அவளது ஆண் நண்பர் மற்றும்  தோழியுடன் மது அருந்தி கொண்டிருந்தபோது அவர்களைச் சந்தித்துள்ளனர். அந்த இளம்பெண்ணின் ஆண் நண்பர், மற்றொரு நண்பரைச் சந்திக்கச் செல்வதற்காக, அவரையும் அவரது குழுவினரையும் "அவளைப் பார்த்துக்கொள்ளுமாறு" கேட்டுக் கொண்டுள்ளார்.

அறிக்கைகளின்படி, அந்தப் 18 வயது பெண் மிகவும் பலவீனமான நிலையில் இருந்துள்ளார். அந்த சூழ்நிலையை பயன்படுத்தி மாலிக் அவரைப் பாலியல் வன்கொடுமை செய்துள்ளார். மாலிக் அவரைப் பூங்காவின் ஒரு ஒதுக்குப்புறமான பகுதிக்கு அழைத்துச் சென்று பாலியல் வன்கொடுமை செய்துள்ளார். அப்போது பாதிக்கப்பட்ட பெண் மீண்டும் மீண்டும் எதிர்ப்பு தெரிவித்த போதும், மாலிக் அவரிடம், "நீ இதை ரசித்தாயா?" என்று கேட்டுள்ளார். ஆனால் விசாரணைகளின் போது, ​​மாலிக் இந்தக் குற்றச்சாட்டுகளை மறுத்து, இந்தப் பாலியல் உறவு இருவர் சம்மதத்துடன் நடந்தது என்று கூறினார். 

ஜனவரி மாதம், இரண்டு பாலியல் வன்கொடுமைக் குற்றங்களுக்காக நடுவர் குழுவால் அவர் குற்றவாளி எனத் தீர்ப்பளிக்கப்பட்டார்.தற்போது, அவருக்கு 10 ஆண்டுகள் சிறை தண்டனை விதிக்கப்பட்டதுடன், அவர் விடுதலையான பிறகு கூடுதலாக நான்கு ஆண்டுகள் சிறையில் இருக்கவும் உத்தரவிடப்பட்டது. விசாரணையின் போது சாட்சியம் அளித்த அப்பெண், நடுவர் குழுவிடம், தான் பயத்தில் இருந்ததாகவும், வேண்டாம் என்று சொல்ல பயந்ததாகவும் குறிப்பிட்டுள்ளார்.

பாகிஸ்தானில் பிறந்த அகதியான மாலிக், இங்கிலாந்துக்கு வருவதற்கு முன்பு இத்தாலி, ஜெர்மனி மற்றும் பிரான்சில் வசித்திருந்தார் என்று விசாரணையின்போது தெரியவந்தது. குற்ற சம்பவம் நடந்தபோது அவர் பிரிட்டனில் ஒரு வருடத்திற்கும் குறைவாகவே இருந்திருந்தார். வழக்கு நடவடிக்கைகளுக்குப் பாதிப்பு ஏற்படுவதைத் தவிர்ப்பதற்காக, விசாரணை முடியும் வரை அவரது குடியேற்ற நிலை குறித்து ஊடகங்கள் செய்தி வெளியிடுவதை நீதிமன்ற உத்தரவு தடுத்திருந்தது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.