ஃபேஸ்புக்கின் ஆரம்பகாலப் பயனர்கள் மத்தியில் மிகவும் பிரபலமான "Poke" எனும் அம்சம், கிட்டத்தட்ட பல ஆண்டுகளுக்குப் பிறகு மீண்டும் கொண்டுவரப்பட்டுள்ளது. இந்த அம்சத்தை மெட்டா , ஒரு 'முக்கியமான' நடவடிக்கையாக மீண்டும் அறிமுகப்படுத்தியுள்ளது.
"போக்" என்றால் என்ன?
2004 ஆம் ஆண்டு ஃபேஸ்புக் தொடங்கப்பட்டபோது அறிமுகப்படுத்தப்பட்ட இந்த அம்சம், ஒரு நண்பரின் கவனத்தை ஈர்க்க அல்லது ஒரு எளிய ஹாய் சொல்லப் பயன்படுத்தப்பட்டது. ஒருவரை "Poke" செய்தால், அந்த நபருக்கு ஒரு 'Notification' செல்லும். அவர் உங்களை மீண்டும் 'Poke' செய்வதன் மூலம், ஒருவருக்கு ஒருவர் தொடர்பு ஏற்படுத்திக்கொள்ளலாம். இளைஞர்கள் மற்றும் கல்லூரி மாணவர்கள் மத்தியில் இது அப்போது மிகவும் பிரபலமானது. குறிப்பாக இளம் ஜோடிகள் மத்தியில்.
புதிய "போக்" அம்சத்தின் சிறப்பம்சங்கள்:
இனி பயனர்கள், Facebook.com/pokes என்ற பிரத்தியேக பக்கத்தில் தங்களுக்கு அனுப்பப்பட்ட மற்றும் தாங்கள் அனுப்பிய போக் (poke) தொடர்புகளைப் பார்க்க முடியும்.
புதிய பதிப்பில், நீங்கள் ஒருவருடன் எத்தனை முறை 'poke' பரிமாற்றம் செய்துள்ளீர்கள் என்பதைப் பொறுத்து, வெவ்வேறு எமோஜிகள் திரையில் தோன்றும். இது ஸ்னாப்சாட் (Snapchat) போன்ற ஒரு வேடிக்கையான அனுபவத்தைத் தரும்.
இப்போது பயனர்கள் தங்கள் நண்பர்களின் ப்ரொஃபைலில் இருந்தே நேரடியாக 'poke' செய்ய முடியும். யாரேனும் உங்களைப் 'poke' செய்தால், அதற்கான அறிவிப்புகளும் உடனடியாக உங்களுக்கு வரும்.
கடந்த 2014 ஆம் ஆண்டு, ஃபேஸ்புக் மெசஞ்சர் மற்றும் லைக் போன்ற புதிய அம்சங்கள் பிரபலமடையத் தொடங்கியதால், 'poke' அம்சம் அதன் முக்கியத்துவத்தை இழந்தது. அதன் பிறகு, ஃபேஸ்புக்கின் முக்கிய செயலியிலிருந்து அது நீக்கப்பட்டது. தற்போது, மெட்டா நிறுவனம் இந்த அம்சத்தை மீண்டும் கொண்டு வந்திருப்பதன் மூலம், பழைய ஃபேஸ்புக் பயனர்களுக்குப் புதுவிதமான அனுபவத்தையும், புதிய தலைமுறை பயனர்களுக்கு இது என்ன என்பதைப் பற்றிய ஆர்வத்தையும் தூண்டியுள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.