துறையூர் தனித் தொகுதியில் தவெகவின் தாக்கம்! திமுக - அதிமுக இடையே நிலவும் உச்சகட்டப் போட்டி!

"மாலை முரசு - கான்சிலிடிக்ஸ்" இணைந்து தமிழகம் முழுவதும் நடத்திய மாபெரும் கருத்துக்கணிப்பு முடிவுகள் குறித்து "Tamil Nadu Political League" நிகழ்ச்சியில் தொகுதி பற்றியும், வரும் சட்டமன்ற தேர்தலில் அங்கு வெற்றிப் பெற அதிகம் வாய்ப்புள்ள கூட்டணி எது? என்பது குறித்த தகவல்கள் இங்கே தொகுக்கப்பட்டுள்ளன. திருச்சி மாவட்டத்தின் தனித் தொகுதியான துறையூர், விறுவிறுப்பான அரசியல் மாற்றங்களைச் சந்தித்து வருகிறது. 81 சதவீத கிராமப்புற வாக்குகளைக் கொண்ட இந்தத் தொகுதியில், விவசாயிகளின் பிரச்சினைகளே தேர்தல் களத்தில் எதிரொலிக்கின்றன. இளைஞர்களின் அதீத ஈடுபாடு இந்த முறை மும்முனைப் போட்டியை உருவாக்கியுள்ளது.

துறையூர் தொகுதியின் முக்கிய வாக்காளர் அடையாளங்களாக 41 முதல் 60 வயதுடையவர்கள் 37.6 சதவீதமும், 60 வயதுக்கு மேற்பட்ட முதியவர்கள் 21.49 சதவீதமும் உள்ளனர். சமூக ரீதியாக முத்தரையர்கள் 33 சதவீதத்தோடு மிகப்பெரிய சக்தியாக உள்ளனர். ஆதிதிராவிடர்கள் 10 சதவீதமும், தேவேந்திர குல வேளாளர்கள் 10 சதவீதமும், செட்டியார்கள் 8 சதவீதமும் உள்ளனர். முத்தரையர் சமூகத்தின் வாக்குகள் எந்தப் பக்கம் திரும்புகிறதோ, அவர்களுக்கே துறையூரில் வெற்றி மாலை சூட்டப்படும்.

முக்கிய உள்ளூர் பிரச்சினைகளாக விவசாய நீர்ப்பாசன வசதி பற்றாக்குறை மற்றும் நிலத்தடி நீர் மட்டம் அதலபாதாளத்திற்குச் சென்றது ஆகியவை உள்ளன. துறையூர் பேருந்து நிலையத்தை Thuraiyur constituencyநவீனமயமாக்க வேண்டும் என்பதும், அரசு மருத்துவமனையில் போதிய மருத்துவர்கள் மற்றும் வசதிகள் இல்லை என்பதும் மக்களின் நீண்ட காலக் குறையாக உள்ளது. அடிக்கடி ஏற்படும் மின்வெட்டு மற்றும் நகர்ப்புறச் சாலைகளின் மோசமான நிலை துறையூர் மக்களைப் பெரும் அதிருப்தியில் ஆழ்த்தியுள்ளது.

தேர்தல் முடிவுகளின் புள்ளிவிவரங்களைப் பார்த்தால், 2021-ல் திமுக 50.3 சதவீத வாக்குகளைப் பெற்றது, அது 2024-ல் 54.9 சதவீதமாக உயர்ந்துள்ளது. அதிமுக 2021-ல் 37.7 சதவீத வாக்குகளைப் பெற்ற நிலையில், 2024-ல் 34 சதவீதமாகச் சரிந்துள்ளது. பூத் அளவில், 2021-ல் திமுக 117 பூத்களில் வலுவாக இருந்தது, 2024-ல் 151 ஆக அதிரடியாக உயர்ந்துள்ளது. அதிமுக 2021-ல் 99 பூத்களில் வலுவாக இருந்த நிலையில், 2024-ல் 82 பூத்களாகக் குறைந்துள்ளது. சுமார் 48 பூத்கள் ஸ்விங் நிலையில் உள்ளன.

2026 தேர்தல் கணிப்பின்படி, துறையூரில் திமுக 120 வாக்குச்சாவடிகளில் வலுவாக உள்ளது. அதிமுக 115 வாக்குச்சாவடிகளில் தனது பலத்தைக் கொண்டுள்ளது. சுமார் 100 வாக்குச்சாவடிகள் யாருக்கு வேண்டுமானாலும் மாறக்கூடிய ஸ்விங் பூத்களாக உள்ளன. இதுவே உண்மையான மும்முனைப் போட்டியைக் காட்டுகிறது. கான்சிலிடிக்ஸ் குழுவின் முடிவுகளின்படி, 2026-ல் அதிமுக 33 சதவீத வாக்குகளைப் பெறும் எனத் தெரிகிறது. திமுக 35 சதவீத வாக்குகளைப் பெற்றுச் சற்றே முன்னிலை வகிக்கிறது. தவெக மற்றும் நாம் தமிழர் கூட்டணி 26 சதவீத வாக்குகளைப் பெற வாய்ப்புள்ளது. வெற்றி வித்தியாசம் சுமார் 2 சதவீதமாக மட்டுமே இருக்கும் என்பதால், கடும் போராட்டமே நிலவுகிறது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.