.png)
மத்திய பிரதேச மாநிலம், போபால் மாவட்டம் மகான் நகர் பகுதியை சேர்ந்தவர் 21 வயதுடைய சந்தன். இவர் குடும்பத்துடன் தங்கி விவசாயம் செய்து வரும் நிலையில் அதே பகுதியில் சந்தன் வீட்டிற்கு அருகில் வசித்து வருபவர் சுஷில். இவர் மாந்திரீகம் போன்றவற்றில் அதிக நம்பிக்கை உடையவர் என சொல்லப்படும் நிலையில் கடந்த சில மாதங்களுக்கு சுஷிலின் தாய் உடல்நலக்குறைவால் உயிரிழந்திருக்கிறார். இது குறித்து சுஷில் அருகில் இருந்த ஒரு மாந்திரீகவாதியிடம் கேட்டுள்ளார்.
அப்போது அவர் சந்தன் குடும்பத்தார் தான் சுஷிலின் தாய்க்கு பில்லி சூனியம் வைத்திருப்பதாகவும் அதன் காரணமாகவே அவர் உயிரிழந்ததாக என்றும் தெரிவித்திருக்கிறார். இதனை நம்பி ஆத்திரமடைந்த சுஷில் இது குறித்து தனது நண்பர்களிடம் கூறி சந்தனை கொலை செய்ய திட்டம் தீட்டி இருக்கிறார். அதன்படி சந்தனை பேசி காட்டுக்குள் அழைத்து சென்று ஒன்றாக அமர்ந்து மது அருந்தியுள்ளனர். போதை தலைக்கேறிய சந்தனை சுஷில் மற்றும் அவரது நண்பர்கள் அடித்து கொலை செய்திருக்கின்றனர்.
பின்னர் அவரது உடலை பெட்ரோல் ஊற்றி எரித்து விட்டு அப்பகுதியில் இருந்து தப்பி சென்றுள்ளனர். மறுநாள் காட்டுப்பகுதிக்கு சென்ற ஆடு மேய்க்கும் சிலர் சந்தனின் பாதி எரிந்த உடலை பார்த்து விட்டு போலீசாருக்கு தகவல் தெரிவித்தனர். தகவல் அறிந்து சம்பவ இடத்திற்கு வந்த போலீசார் சந்தன் உடலை கைப்பற்றி பிரேத பரிசோதனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை மேற்கொண்டனர். அப்போது தலைமறைவாக இருந்த சுஷிலை கைது செய்து விசாரணை செய்தனர்.
இதில் மாந்திரீகவாதி சொன்னதை நம்பி சந்தனை சுஷில் தனது நண்பர்களுடன் சேர்ந்து கொலை செய்தது தெரியவந்தது. இதனை தொடர்ந்து மூவர் மீதும் வாழ்க்கைக்கு பதிவு செய்த மகான் நகர் போலீசார் மூவரையும் கைது செய்து சிறையில் அடைத்துள்ளனர். மூடநம்பிக்கையால் ஒரு விவசாயியின் உயிர் பறிபோன சம்பவம் அப்பகுதி மக்களிடையே பெரும் பரபரப்பை ஏற்படுத்தியுள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
