ஜப்பானின் ‘ட்விட்டர் கொலையாளி’.. கற்பனை செய்ய முடியாத கொடூர கொலைகள்! அதுவும் பெண்களை அப்படி!

ஜப்பானில் 2017-ல் நடந்த ஒரு அதிர்ச்சி தரும் கொலைக் கதை, உலகத்தையே உலுக்கியது. தகாஹிரோ ஷிரைஷி, ‘ட்விட்டர் கொலையாளி’னு அழைக்கப்பட்டவர், ஒன்பது பேரை கொலை செய்து, அவங்களோட உடலை சிதைச்சு, தன்னோட அபார்ட்மென்ட்ல வச்சிருந்த கொடூரமான குற்றவாளி.

தகாஹிரோ ஷிரைஷி: யார் இவர்?

தகாஹிரோ ஷிரைஷி, 1990 அக்டோபர் 9-ல் பிறந்தவர், ஜப்பானின் கனகவா மாகாணத்தின் ஜாமா நகரத்தில் ஒரு சின்ன அபார்ட்மென்ட்ல வசிச்சவர். இவருக்கு 27 வயசு இருக்கும்போது, 2017-ல் ஒன்பது பேரை கொலை செய்து, உலகத்தையே அதிர்ச்சிக்கு உள்ளாக்கினார். இவர் முன்னாடி டோக்கியோவின் கபுகிச்சோ பகுதியில், பெண்களை விபச்சாரத்துக்கு இழுக்கும் ‘ஸ்கவுட்’ வேலை செய்திருக்கார். இவரோட வாழ்க்கை சாதாரணமா இருந்தாலும், இவரோட மனநிலை மற்றும் செயல்கள் கொடூரமானவை.

எப்படி கொலை செய்தார்?

ஷிரைஷி, 2017 ஆகஸ்ட் முதல் அக்டோபர் வரை, ஜாமா நகரில் உள்ள தன்னோட அபார்ட்மென்ட்ல ஒன்பது பேரை கொலை செய்தார். இதுல எட்டு பேர் இளம் பெண்கள், ஒரு ஆண். பாதிக்கப்பட்டவங்க எல்லாரும் 15 முதல் 26 வயசு வரை உள்ளவங்க. இவர் இவங்களை ட்விட்டர் (இப்போ X) மூலமா தொடர்பு கொண்டு, தற்கொலை செய்ய விரும்புறவங்களை தன்னோட வீட்டுக்கு அழைச்சார். “நான் உங்களுக்கு தற்கொலை செய்ய உதவுறேன், இல்லைனா உங்களோட நானும் இறந்துடறேன்”னு சொல்லி இவங்களை ஏமாத்தினார்.

இவர் பாதிக்கப்பட்டவங்களை கழுத்தை நெறிச்சு கொலை செய்தார். பெரும்பாலான பெண்களை பாலியல் வன்புணர்ச்சி செய்து, பிறகு கொலை செய்தார். கொலை செய்த பிறகு, உடல்களை துண்டு துண்டாக வெட்டி, தலைகள், கைகள், கால்களை மூணு கூலர் பாக்ஸ்கள் மற்றும் ஐந்து பிளாஸ்டிக் கன்டெய்னர்களில் வச்சார். இவர் உடல்களை மறைக்க, கேட் லிட்டர் பயன்படுத்தினார், ஆனா அழுகிய வாசனை அக்கம் பக்கத்துல பரவியது.

ஷிரைஷி, ‘Hangman’ (தூக்கு கயிறு)னு ஒரு பெயரில் ட்விட்டர் அக்கவுண்ட் வச்சிருந்தார். இவர் தற்கொலை பற்றி பேசுறவங்களை குறிவச்சு, அவங்களுக்கு மெசேஜ் அனுப்பினார். இவர் பயன்படுத்தின முறை ரொம்ப திட்டமிட்டது; தற்கொலை செய்ய விரும்புற இளைஞர்களோட மனநிலையை பயன்படுத்தி, அவங்களை ஏமாத்தி, தன்னோட அபார்ட்மென்டுக்கு அழைச்சார்.

ஏன் கொலை செய்தார்?

ஷிரைஷி தன்னோட குற்றங்களுக்கு முக்கிய காரணமா, பாலியல் மற்றும் பண ஆசைகளை குறிப்பிட்டார். இவர் கோர்ட்டில் சொன்னபடி, தற்கொலை செய்ய விரும்புறவங்களோட பலவீனமான மனநிலையை பயன்படுத்தி, அவங்களை பாலியல் ரீதியாக துஷ்பிரயோகம் செய்ய விரும்பினார். இவர் இவங்களோட பணத்தையும் கொள்ளையடிச்சார். “வாழ்க்கைக்கு அர்த்தமே இல்லை”னு இவர் தந்தையிடம் சொன்னது, இவரோட மனநிலையில் இருந்த பிரச்சனைகளை காட்டுது. ஆனா, இவரோட வக்கிரமான ஆசைகள் தான் இந்த கொடூரமான செயல்களுக்கு காரணமா இருந்தது.

இவரோட வழக்கறிஞர்கள், பாதிக்கப்பட்டவங்க தற்கொலை செய்ய ஒப்புக்கொண்டதால, இது “மரணத்துக்கு ஒப்புதல் கொடுத்த கொலை” (Murder with Consent)னு வாதாடினாங்க. ஆனா, ஷிரைஷி இதை மறுத்து, எந்த ஒப்புதலும் இல்லாம கொலை செய்ததாக ஒப்புக்கொண்டார். இது இவரோட செயல்களோட முழு பொறுப்பையும் உறுதிப்படுத்தியது.

எப்படி பிடிபட்டார்?

2017 அக்டோபரில், 23 வயசு பெண் ஒருவர் மாயமானதை தொடர்ந்து, அந்த பெண்ணோட அண்ணன் தனியாக விசாரணை செய்ய ஆரம்பிச்சார். இவர் அந்த பெண்ணோட ட்விட்டர் அக்கவுண்ட்டை செக் பண்ணி, ஷிரைஷியோட தொடர்பை கண்டுபிடிச்சார். ஒரு ‘யூமி’னு ஒரு பெயரில் உள்ள நபர், ஷிரைஷியோட தொடர்பு கொள்ள ஒரு போலி அப்பாயின்ட்மென்ட் ஏற்பாடு செய்து, போலீஸுக்கு தகவல் கொடுத்தார்.

போலீஸ், ஷிரைஷியோட அபார்ட்மென்ட்டுக்கு வந்து, மாயமான பெண்ணைப் பற்றி விசாரிச்சாங்க. ஷிரைஷி, அந்த பெண் கூலரில் இருக்கதாக சொன்னார். போலீஸ் தேடியபோது, மூணு கூலர் பாக்ஸ்கள் மற்றும் ஐந்து கன்டெய்னர்களில் ஒன்பது பேரோட தலை, கைகள், கால்கள் உள்ளிட்ட உடல் பாகங்களை கண்டுபிடிச்சாங்க. அக்கம் பக்கத்தவங்க, அபார்ட்மென்ட்ல இருந்து அழுகிய வாசனை வந்ததை உறுதிப்படுத்தினாங்க.

2017 அக்டோபரில் ஷிரைஷி கைது செய்யப்பட்டார். இவர் ஒன்பது கொலைகளையும் ஒப்புக்கொண்டார். 2020 அக்டோபரில், கோர்ட்டில் குற்றத்தை ஒப்புக்கொண்டு, தன்னோட செயல்களுக்கு மன்னிப்பு கேட்காம, மரண தண்டனையை எதிர்க்க மாட்டேன்னு சொன்னார். 2020 டிசம்பரில், டோக்கியோ கோர்ட்டில் ஷிரைஷிக்கு மரண தண்டனை விதிக்கப்பட்டது. இவர் ஒன்பது கொலைகள், பாலியல் வன்புணர்ச்சி, உடல் சிதைப்பு, மற்றும் உடல்களை மறைத்த குற்றங்களுக்கு குற்றவாளினு தீர்ப்பு வந்தது. இவரோட வழக்கறிஞர் டோக்கியோ உயர் நீதிமன்றத்தில் மேல்முறையீடு செய்தாலும், ஷிரைஷி அதை திரும்பப் பெற்றார், இதனால 2021 ஜனவரியில் தீர்ப்பு உறுதியானது.

இந்நிலையில், இன்று ஜூன் 27-ல், டோக்கியோ டிடென்ஷன் ஹவுஸில் ஷிரைஷி தூக்கிலிடப்பட்டார்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.