ஏன் திமிங்கலம்.. கேரளா யுனிவர்சிட்டியில அப்படி என்ன இருக்கு? எப்படி இவ்ளோ பேர் வெளிநாட்டில் இருந்து வந்து படிக்கிறாங்க?

கேரளா மாநிலத்துல கல்வி கற்க வெளிநாட்டு மாணவர்கள் ஆர்வம் காட்டுறது இப்போ புது ட்ரெண்டாகி இருக்கு. குறிப்பா, கேரள பல்கலைக்கழகம் (University of Kerala) வெளிநாட்டு மாணவர்களோட பேவரைட் ஸ்பாட்டாக மாறியிருக்கு.

கடந்த நாலு வருஷத்தில், இந்த பல்கலைக்கழகத்துக்கு வெளிநாட்டு மாணவர்களோட விண்ணப்பங்கள் 138% அதிகரிச்சிருக்கு. 2021-22ல 1,100 விண்ணப்பங்கள் வந்திருந்தா, 2025-26ல 2,620 விண்ணப்பங்கள் 81 நாடுகளில் இருந்து வந்திருக்கு. இதுல 1,265 இளங்கலை (UG), 1,020 முதுகலை (PG), மற்றும் 335 முனைவர் (PhD) படிப்புகளுக்கானவை. கடந்த நாலு வருஷ புள்ளிவிவரங்களை பார்க்கும்போது:

• 2021-22: 1,100 விண்ணப்பங்கள்

• 2022-23: 1,400 விண்ணப்பங்கள்

• 2024-25: 2,600 விண்ணப்பங்கள் (64 நாடுகளில் இருந்து)

• 2025-26: 2,620 விண்ணப்பங்கள் (81 நாடுகளில் இருந்து)

இந்த எண்ணிக்கை கேரளாவோட கல்வி முறையின் தரத்தையும், உலகளாவிய ஈர்ப்பையும் காட்டுது. “கேரளாவில் உள்ள எல்லா பல்கலைக்கழகங்களையும் விட, கேரள பல்கலைக்கழகம் தொடர்ந்து அதிகமான வெளிநாட்டு மாணவர்களை ஈர்க்குது,”னு பல்கலைக்கழகத்தின் Centre for Global Academics (CGA) இயக்குநர் சபு ஜோசப் கூறியிருக்கார்.

எந்த நாடுகளில் இருந்து மாணவர்கள் வராங்க?

முன்பு, ஈரான் மற்றும் ஈராக் போன்ற மேற்கு ஆசிய நாடுகளில் இருந்து அதிக மாணவர்கள் வந்தாங்க. ஆனா, இப்போ ஆப்பிரிக்க நாடுகள் முக்கிய இடத்தை பிடிச்சிருக்கு. 2025-26ல, கொலம்பியா, பெரு, அமெரிக்கா, தென் ஆப்பிரிக்கா, ஆப்கானிஸ்தான், வங்கதேசம், ஜோர்டான், தஜிகிஸ்தான், மற்றும் GCC நாடுகள் உட்பட 81 நாடுகளில் இருந்து விண்ணப்பங்கள் வந்திருக்கு. குறிப்பா, ஆப்பிரிக்காவில் இருந்து 25 நாடுகளைச் சேர்ந்த மாணவர்கள் இங்கு படிக்கிறாங்க. இந்த பன்முகத்தன்மை கேரளாவோட கல்வி சூழலை உலகளாவிய மையமாக மாற்றியிருக்கு.

எந்த படிப்புகளுக்கு ஆர்வம்?

வெளிநாட்டு மாணவர்கள் மத்தியில் கம்ப்யூட்டர் சயின்ஸ், மேனேஜ்மென்ட் ஸ்டடீஸ், மற்றும் காமர்ஸ் போன்ற படிப்புகள் பிரபலமா இருக்கு. இதோடு, ஆயுர்வேதம், நாட்டுப்புற கலைகள், மற்றும் தற்காப்பு கலைகள் (martial arts) போன்ற கேரளாவோட கலாசாரத்தோடு தொடர்புடைய படிப்புகளும் வெளிநாட்டு மாணவர்களை ஈர்க்குது.

குறிப்பா, முனைவர் படிப்புகளுக்கு (PhD) விண்ணப்பங்கள் அதிகரிச்சிருக்கு, இது கேரளாவோட ஆராய்ச்சி தரத்தை காட்டுது. உதாரணமா, CUSAT (Cochin University of Science and Technology)ல பயிலுற ஒரு தான்சானிய மாணவர், “எங்க நாட்டு பல்கலைக்கழகங்களில் இவ்வளவு ரிசர்ச் புத்தகங்களும் வசதிகளும் கிடைக்காது”னு கூறியிருக்கார்.

கேரள பல்கலைக்கழகத்துக்கு வெளிநாட்டு மாணவர்கள் வரக் காரணம் என்னனு பார்க்கும்போது, பல விஷயங்கள் தெரியுது:

உயர்ந்த கல்வி தரம்: கேரளாவோட கல்வி முறை உலகளாவிய தரத்தில் இருக்கு. பல்கலைக்கழகத்தோட பாடத்திட்டங்கள், ஆராய்ச்சி வசதிகள், மற்றும் அனுபவமிக்க பேராசிரியர்கள் வெளிநாட்டு மாணவர்களை ஈர்க்குது.

மலிவான கல்வி செலவு: மற்ற நாடுகளோட ஒப்பிடும்போது, கேரளாவில் படிக்குற செலவு குறைவு. இது ஆப்பிரிக்க மற்றும் தென்கிழக்கு ஆசிய மாணவர்களுக்கு பெரிய பிளஸ்.

கலாசார ஈர்ப்பு: கேரளாவோட ஆயுர்வேதம், கலைகள், மற்றும் இயற்கை அழகு மாணவர்களை கவருது. கடந்த வருஷம், வெளிநாட்டு மாணவர்கள் ‘நவ கேரள’ நிகழ்ச்சியில் பங்கேற்று, கனகக்குன்னு அரண்மனையில் தங்கள் கலாசாரத்தை காட்டியிருக்காங்க.

எளிமையான விண்ணப்ப முறை: மத்திய அரசு கொண்டு வந்த புது வெளிநாட்டு மாணவர் சேர்க்கை முறைகள், குறிப்பா இந்திய கலாசார உறவு மன்றத்தின் (ICCR) வெப்ஸைட் மூலமா மாணவர்கள் நேரடியா விண்ணப்பிக்க முடியுது.

கேரள அரசு ‘Study in Kerala’ திட்டத்தை தொடங்கி, வெளிநாட்டு மாணவர்களை ஈர்க்க முயற்சி செய்யுது. இதுக்கு உலக வங்கியும் ஆதரவு தருது.

இதே நேரத்தில், கேரளாவில் இருந்து வெளிநாடுகளுக்கு படிக்க போற மாணவர்களின் எண்ணிக்கையும் அதிகரிச்சிருக்கு. 2023 கேரள மைக்ரேஷன் சர்வே படி, 2018ல 1,29,763 மாணவர்கள் வெளிநாடு படிக்க போனாங்க, ஆனா 2023ல இது 2,50,000 ஆக உயர்ந்திருக்கு.

இந்த மாணவர்கள் பெரும்பாலும் அமெரிக்கா (4.65 லட்சம்), கனடா (1.83 லட்சம்), ஆஸ்திரேலியா (1 லட்சம்), மற்றும் இங்கிலாந்து (55,000) போன்ற நாடுகளுக்கு போறாங்க. இந்த புலம்பெயர்வு கேரளாவோட பொருளாதாரத்துக்கு ரூ.2,16,893 கோடி ரெமிட்டன்ஸ் மூலமா பலம் சேர்க்குது. ஆனா, இதே நேரத்தில், கேரளாவுக்கு வெளிநாட்டு மாணவர்கள் வருவது, உள்ளூர் கல்வி முறையை உலகளாவிய மையமாக மாற்றுது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.