.png)
இந்தியாவின் இரு சக்கர வாகன சந்தையில் ஒரு புது வரவாக களமிறங்கியிருக்கு இத்தாலிய நிறுவனமான ஏப்ரிலியா. 2025 ஜூலை 15 அன்று, ஏப்ரிலியா SR 175 ஸ்கூட்டர் இந்தியாவில் ரூ.1.26 லட்சம் (எக்ஸ்-ஷோரூம், மகாராஷ்ட்ரா) விலையில் அறிமுகமாகியிருக்கு.
ஏப்ரிலியா SR 175, SR 160-இன் மேம்படுத்தப்பட்ட மாடலாகும். இதோட மிகப் பெரிய மாற்றம், 174.7 சிசி, ஒற்றை சிலிண்டர், ஏர்-கூல்டு இன்ஜின். இந்த புது இன்ஜின், 13.08 பிஎச்பி பவரையும், 14.14 என்எம் டார்க்கையும் 7,200 ஆர்பிஎம் மற்றும் 6,000 ஆர்பிஎம்மில் உற்பத்தி செய்யுது. SR 160-ஐ விட இது 2 பிஎச்பி மற்றும் 0.7 என்எம் அதிகம், இதனால இன்னும் சுறுசுறுப்பான டிரைவிங் அனுபவத்தை கொடுக்குது. இந்த இன்ஜின், மூணு வால்வு அமைப்போடு, CVT (கன்டின்யூஸ்லி வேரியபிள் டிரான்ஸ்மிஷன்) கியர்பாக்ஸோடு இணைக்கப்பட்டிருக்கு. இதனால், இது சிட்டியில் ஓட்டுவதற்கு கச்சிதமா இருக்கு.
இதோட வடிவமைப்பு, SR 160-ஐ ஒத்திருந்தாலும், புது கலர் ஆப்ஷன்களும், டிகால்களும் இதுக்கு ஒரு புது தோற்றத்தை கொடுத்திருக்கு. மேட் ப்ரிஸ்மாடிக் டார்க் மற்றும் க்ளோஸி டெக் வைட் ஆகிய இரண்டு கலர் ஆப்ஷன்கள், RS 457 மற்றும் டுவோனோ 457 மாடல்களில் இருந்து உத்வேகம் பெற்றவை. இந்த ஸ்கூட்டரோட ஸ்போர்ட்டி தோற்றம், கூர்மையான முன்பக்கம், டூயல் LED ஹெட்லேம்ப்கள், உயர்ந்த எக்ஸாஸ்ட், மற்றும் கார்பன்-ஃபைபர் ஃபினிஷ் கொண்ட முன் ஃபெண்டர் ஆகியவை இளைஞர்களை ஈர்க்குற மாதிரி இருக்கு.
முக்கியமான மேம்பாடு, 5.5 இன்ச் கலர் TFT டிஸ்பிளே. இது SR 160-ல இருந்த LCD யூனிட்டை மாற்றியிருக்கு. இந்த டிஸ்பிளே, RS 457 மற்றும் டுவோனோ 457-ல இருக்குறதை ஒத்திருந்தாலும், UI மற்றும் அனிமேஷன்கள் வித்தியாசமா இருக்கு. இதுல பயனர்கள் தங்களுக்கு பிடித்த மாதிரி லேஅவுட்டை மாற்றிக்கலாம், மேலும் புளூடூத் இணைப்பு மூலம் ஏப்ரிலியா ஆப் வழியா ஸ்மார்ட்ஃபோனை இணைத்து, கால் நோட்டிஃபிகேஷன்கள், மெசேஜ்கள், மியூசிக், மற்றும் நேவிகேஷனை கையாளலாம். இது தவிர, USB சார்ஜிங் போர்ட் மற்றும் முழு LED லைட்டிங் ஆகியவை இதுக்கு ஒரு பிரீமியம் தோற்றத்தை கொடுக்குது.
இதுல 14 இன்ச் அலாய் வீல்கள், 120 செக்ஷன் டயர்கள், முன்பக்கம் டெலஸ்கோபிக் ஃபோர்க், பின்பக்கம் அட்ஜஸ்டபிள் மோனோஷாக் சஸ்பென்ஷன், மற்றும் பிரேக்கிங்குக்கு முன்பக்கம் 220 மிமீ டிஸ்க் மற்றும் பின்பக்கம் டிரம் பிரேக் இருக்கு. ஒரு முக்கிய அம்சம், சிங்கிள்-சேனல் ABS, இது பாதுகாப்பை மேம்படுத்துது. இந்த ஸ்கூட்டரோட அண்டர்சீட் ஸ்டோரேஜ், ஒரு ஓப்பன்-ஃபேஸ் ஹெல்மெட்டை வைக்குற அளவுக்கு வசதியா இருக்கு, மேலும் ஒரு யூட்டிலிட்டி லைட் உள்ளே இருக்கு.
மேலும், இந்திய சந்தையில், SR 175, யமஹா ஏராக்ஸ் 155 மற்றும் ஹீரோ எக்ஸூம் 160-ஓடு நேரடியா போட்டியிடுது. யமஹா ஏராக்ஸ் 155, லிக்விட்-கூல்டு இன்ஜினோடு 15 பிஎச்பி பவர் கொடுக்குது, ஆனா இதோட விலை SR 175-ஐ விட அதிகமா இருக்கு. எக்ஸூம் 160-ஓடு ஒப்பிடும்போது, SR 175 இன்ஜின் திறனில் முன்னணியில இருக்கு, ஆனா ஏராக்ஸை விட மைலேஜ் குறைவாக இருக்கலாம்னு கூறப்படுகிறது. இருந்தாலும், ஏப்ரிலியாவோட பிராண்ட் இமேஜ், ஸ்போர்ட்டி ஸ்டைல், மற்றும் புது அம்சங்கள் இதை இளைஞர்களுக்கான ஒரு சாய்ஸாக மாற்றலாம்.
ஏப்ரிலியா, மகாராஷ்ட்ராவில் உள்ள பரமதி தொழிற்சாலையில் உள்நாட்டிலேயே உற்பத்தி செய்யப்படுற SR 175, இந்திய வாடிக்கையாளர்களுக்கு உயர்தர ஸ்கூட்டரை மலிவு விலையில் கொடுக்குறதுக்கு ஒரு உதாரணம். இதோட விலை, மகாராஷ்ட்ராவில் ரூ.1.26 லட்சம் முதல் திரிபுராவில் ரூ.1.33 லட்சம் வரை மாறுபடுது, இது மாநில வரிகளை பொறுத்து இருக்கு. இந்த ஸ்கூட்டரை ஆன்லைனிலோ அல்லது அருகில் உள்ள ஏப்ரிலியா டீலர்ஷிப்களிலோ முன்பதிவு செய்யலாம், மேலும் டெலிவரிகள் விரைவில் தொடங்கும்னு எதிர்பார்க்கப்படுது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
