பிரஞ்சு பிரைஸ்.. ஆய்வு சொல்லும் எச்சரிக்கை! - சர்க்கரை நோய் வருமா?

பிரஞ்சு பிரைஸ்... இந்த பெயரை கேட்டாலே பலருக்கும் உடனே சாப்பிடணும் போல தோணுமே! ஆனா, இந்த பிரஞ்சு பிரைஸ் அதிகம் சாப்பிட்டால் சர்க்கரை நோய் (Type 2 Diabetes) வரும்னு ஒரு புது ஆய்வு சொல்லுது.

'தி பிரிட்டன் மெடிக்கல் ஜர்னல்' (The British Medical Journal) என்ற பிரபல மருத்துவ இதழ், கிட்டத்தட்ட 40 வருஷமா 2 லட்சத்துக்கும் அதிகமான டாக்டர்களோட உணவுப் பழக்கத்தை ஆய்வு செஞ்சிருக்கு. அந்த ஆய்வில், வாரத்துக்கு மூணு தடவைக்கு மேல பிரஞ்சு பிரைஸ் போன்ற பொரித்த உருளைக்கிழங்கு உணவுகளை சாப்பிடுபவர்களுக்கு, டைப் 2 சர்க்கரை நோய் வரும் வாய்ப்பு 20% அதிகரிப்பதாகத் தெரிய வந்திருக்கு.

இந்த ஆய்வு, உருளைக்கிழங்கைச் சமைக்கும் முறைதான் உடல்நலனுக்கு ஆபத்தானதுனு சொல்லுது. அதாவது, வேக வைத்த, மசித்த அல்லது சுட்ட உருளைக்கிழங்கு உணவுகளுக்கும், சர்க்கரை நோய் வருவதற்கும் எந்தத் தொடர்பும் இல்லை. ஆனால், எண்ணெயில் பொரித்து எடுக்கப்படும் பிரஞ்சு பிரைஸ் போன்ற உணவுகளால்தான் இந்த ஆபத்து வருதுனு ஆய்வு தெளிவா சொல்லுது.

ஏன் பிரஞ்சு பிரைஸ் ஆபத்தானது?

அதிக கலோரிகள்: பிரஞ்சு பிரைஸ், ஆழமான எண்ணெயில் பொரித்து எடுக்கப்படுவதால், அதில் அதிக கலோரிகள், தேவையற்ற கொழுப்புகள் மற்றும் சில ஆபத்தான வேதிப் பொருட்கள் சேருது.

அதோடு, சுவைக்காக அதிகமா சேர்க்கப்படும் உப்பும் உடல்நலனுக்குக் கேடுதான்.

உருளைக்கிழங்கில் உள்ள சத்துக்கள், பொரிக்கும்போது கெட்ட கொழுப்புகளாக மாறி, உடலுக்குப் பல தீமைகளைச் செய்யுது. இதுதான் சர்க்கரை நோய் அபாயத்தை அதிகப்படுத்துது.

உருளைக்கிழங்கை ஆரோக்கியமா சாப்பிடுவது எப்படி?

உருளைக்கிழங்கு உடலுக்கு ஆரோக்கியமானது. அதைச் சரியான முறையில சமைச்சு சாப்பிட்டோம்னா, அதன் சத்துக்கள் முழுமையா கிடைக்கும்.

சுண்டவைத்த உருளைக்கிழங்கு மசாலா (Jeera Masala Baby Potatoes): சின்ன உருளைக்கிழங்குகளை வேக வச்சு, அதுல சீரகம், மஞ்சள் தூள், மிளகாய் தூள், உப்பு போட்டு, கொஞ்சம் எண்ணெய் விட்டு வதக்கலாம். இது ஒரு சூப்பரான சிற்றுண்டி. இதை எண்ணெய் இல்லாம காற்று வறுக்கும் கருவியில (Air-fryer) அல்லது அடுப்புல சுட்டும் செய்யலாம்.

கார்ன் சாலட் (Sweet Potato Chaat): சர்க்கரைவள்ளிக்கிழங்கை வேக வச்சு, அதை சின்ன துண்டுகளா நறுக்கி, அதுல வெங்காயம், தக்காளி, வெள்ளரிக்காய், சாட் மசாலா, எலுமிச்சை சாறு சேர்த்து சாலட் மாதிரி சாப்பிடலாம்.

சுவையான மசித்த உருளைக்கிழங்கு (Herbed Mashed Potatoes): உருளைக்கிழங்கை வேக வச்சு மசித்து, அதுல வெண்ணெய், கிரீம்-க்கு பதிலா ஆலிவ் ஆயில், பூண்டு மற்றும் சில மூலிகைகள் சேர்த்துச் சாப்பிடலாம். இது மிகவும் சத்தானது.

மொறுமொறுப்பான உருளைக்கிழங்கு வெட்ஜஸ் (Crispy Potato Wedges): உருளைக்கிழங்கை வெட்ஜஸ் மாதிரி வெட்டி, அதுல மசாலா, எண்ணெய் தடவி அடுப்புல சுட்டு (roast) சாப்பிடலாம். பிரஞ்சு பிரைஸுக்கு இது ஒரு சிறந்த மாற்று.

Desi-Style Stuffed Baked Potatoes: உருளைக்கிழங்கை பாதியா வெட்டி, உள்ளே மசாலாக்களை வைத்து அடுப்புல சுட்டு எடுக்கலாம்.

உருளைக்கிழங்கு உடலுக்கு ரொம்ப நல்லது. ஆனா, அதை எப்படி சமைக்கிறோம்ங்கறதுலதான் ஆரோக்கியம் இருக்கு. பிரஞ்சு பிரைஸ்-க்கு பதிலா, வேகவைத்த, சுட்ட அல்லது மசித்த உருளைக்கிழங்கு உணவுகளைச் சாப்பிட்டு, சர்க்கரை நோய் வராமல் நம்மளை பாதுகாத்துக்கலாம்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.