மெட்ராஸ் ஐ - டிப்ஸ் 

மெட்ராஸ் ஐ அல்லது கண்ணுவலி   இது எல்லா வருடமும் குளிர்காலம் ஆரம்பத்தில் தொடங்கி  வெயில் காலம் முடியும் வரை நீளும். அதிகமான நபர்களுக்கு பரவக்கூடியது. மெட்ராஸ் ஐ தொற்றுபோலவேயிருக்கும். 

மெட்ராஸ் ஐ  அறிகுறிகள் 

மெட்ராஸ் ஐ பாதிப்பு சரியாக 7 முதல் 14 நாட்கள் வரை ஆகலாம்  கண்களிலிருந்து நீர் வடிதல் 

1. கண்கள் சிவப்பு நிறமாக மாறுதல்
2. அரிப்பு எரிச்சல்
3. கடினத்தன்மை உண்டாகும்

குணப்படுத்துவதற்கான டிப்ஸ் 

பாதிக்கப்பட்டவர்கள் கண்களையும் கைகளையும் அடிக்கடி கழுவி சுத்தம் செய்யவேண்டும்
மருந்துவர்க்ள் ஆலோசனை இல்லாமல் கண் மருந்துகளை எடுக்க கூடாது.
கண்களை தேய்க்கக்கூடாது
சமூக இடைவெளி மற்றும் முகக்கவசம் அணிவது நல்லது 
அலுவலகங்களுக்கு செல்லும் போது கருப்பு நிற கண்ணாடியை அணிவது நல்லது 
 

மாலை முரசில் வெளியேறியதன் காரணம் - மனம் திறந்த தி.செந்தில்வேல்

மாலைமுரசு தொலைக்காட்சியில் ”முரசரங்கம்” என்கின்ற விவாத நிகழ்ச்சி தினமும் நடக்கக்கூடிய அரசியல், பொருளாதாரம், விளையாட்டு, சினிமா மக்கள் பிரச்சனைகள், விலைவாசி உயர்வு போன்ற தலைப்புகளில் கடந்த சில ஆண்டுகளாக விவாத நிகழ்ச்சி நடப்பது வழக்கம்.

குரலற்றவர்களின் குரலாய்

முரசரங்கம் விவாத நிகழ்ச்சி தொடங்கும் போதெல்லாம் குரலற்றவர்களின் குரலாய் நான் செந்தில்வேல் என தொடங்கும். இந்த நிகழ்ச்சியில் பலதரப்பட்ட நபர்களின் கருந்துக்களும், கொள்கைகளும் வெளிப்படும். இந்த நிகழ்ச்சியில் நெறியாளர்களில் ஒருவர் தி. செந்தில்வேல் ஆவார். திசம்பர் 1 அன்று நான் இந்த நிகழ்ச்சியே முழுமனதாக முடித்துக்கொள்கிறேன் என முரசரங்கம் நிகழ்ச்சியே நிறைவு செய்தார்.

 முகநூல் பதிவு

இரண்டு ஆண்டுகளைத் தாண்டிய  முரசரங்கப் பயணத்தை இனிதே நிறைவு செய்தேன்.. தேர்தல் முடிவுகள் உள்ளிட்ட மிக முக்கியமான தினங்களில் மட்டுமாவது வாருங்கள் என்ற நிறுவனத்தின் அன்பான வேண்டுகோளுக்கு முடிந்த வரை முயற்சிக்கிறேன் என்ற பதிலைத் தந்தேன்.. ஊடகத்தில் என் குரல் ஒலிக்கக் கூடாது என்ற போலி தேச பக்தர்களின் ஆசையை  நிராசை ஆக்கி 2 ஆண்டுகள் முழு சுதந்திரத்துடன் முரசரங்கத்தை நெறிப்படுத்தும் வாய்ப்பை தந்த மாலை முரசு நிறுவனத்திற்கும், ஐயா திரு.  கண்ணன் ஆதித்தன் அவர்களுக்கும் இன்னபிற தோழமைகளுக்கும் , என் சித்தாந்தத்தில் முரண்பட்டாலும் என் மீது கொண்ட அன்பிலும், நான் விவாதத்தில் அவர்களுக்கான வாய்ப்பை சரியாக வழங்குபவன் என்ற நம்பிக்கையிலும் தொடர்ந்து என் விவாதங்களில் பங்கேற்ற வலதுசாரி சிந்தனை கொண்ட நண்பர்களுக்கும் , அனைத்துக் கட்சி தோழர்களுக்கும் நெஞ்சம் நிறைந்த நன்றிகள்.. சினிமாவில் கவனம் செலுத்த தொடங்கியிருப்பதாலும், வேறு சில புதிய முயற்சிகளுக்குள் பயணிக்க இருப்பதாலும் இந்த குதிரையில் இருந்து இறங்குகிறேன்… குதிரைகள் மாறலாம் பாதை ஒருபோதும் மாறாது.. நன்றி என முகநூலில் பதிவு செய்திருந்தார்.

யூ டியூப் சேனலுக்கு பேட்டி

இதுகுறித்து தமிழ்கேள்வி என்கின்ற யூ டியூப் சேனலுக்கு பேட்டியளித்தவர்.

 கேள்வி : நீங்கள் மாலை முரசு நிகழ்ச்சியிலிருந்து வெளியேறியதன் காரணம் என்ன?

செந்தில்வேல் பதில்: நியூஸ் சேனல்களிலிருந்து அடுத்த கட்டபயணத்திற்கு பொழுதுபோக்கு சேனலுக்கு செல்லலாம் என  முடிவில் இருக்கிறேன். ப்ளாக் சிப் ( black sheep)யூட்டியூப் சேனல் தற்சமயம் தொலைக்காட்சியாக வரவிருக்கிறது. அதில் ஏதாவது நிகழ்ச்சி பண்ணலாமா என்கின்ற பேச்சுவார்த்தை போயிட்டு இருக்கு இரண்டு பக்கமும் பேச்சுவார்த்தை நிறைவுக்கு வந்தால் கண்டிப்பாக நான் பிளாக் சிப் சேனலில் பயணிப்பேன். அதுமட்டுமின்றி திரைப்படங்களிலும் சமீபகாலமாக நடிக்க தொடங்கியிருக்கேன் ஆகையால் முரசரங்கத்தில் தொடர்வது வாய்ப்புகள் மிககுறைவு என கூறினார்.

கிருஷ்ணகிரி | போச்சம்பள்ளி அடுத்த மத்தூர் பஸ் நிலையத்தில் பழக்கடைகள் செயல்பட்டு வருகிறது. இங்கு நேரடியாக திருப்பத்தூரில் இருந்து பலரக பழங்கள் கொள்முதல் செய்யப்பட்டு இங்கு ஓல்சேல்  முறையில் விற்பனை நடைபெறுகிறது. இதனால் இங்கு சுற்றுவட்டாரங்களைச் சேர்ந்த வியாபாரிகள்  இங்கு  வந்து பழங்களை வாங்கி செல்வது வழக்கம். இதனால் இங்கு பழங்களின் விற்பனை அமோகமாக நடந்து வருகிறது.

இந்நிலையில் இங்கு அதிகமாக வாழை தார்கள் வருகின்றனர்.  இந்த வாழைத்தார்களை பழுக்க வைக்க மத்தூர் பஸ் நிலையத்திலேயே இரசாயன ஸ்பிரே அடிக்கும் ஊழியரின் செயல் பாட்டை சமூக ஆர்வலர்கள் இடையே அதிர்ச்சியை ஏற்படுத்தியுள்ளது. இயற்கைக்கு மாறாக வாழைத் தார்களை பழுக்க வைக்க இரசாயன ஸ்பிரே அடித்து. வாழைப்பழங்கள் விற்பனை செய்து வருகின்றனர்.

மேலும் படிக்க | கருப்புத் துண்டை காணோமே! தீர்த்தமும், குங்குமமும் ! விமர்சனத்திற்குள்ளாகும் வைகோ வீடியோ

இந்த பழங்களை உன்பதால் மனிதர்களுக்கு உடல்  உபாதைகள் ஏற்படும் என்று தெரிந்தும்  வாழைகளுக்கு பழங்களை பழுக்க வைக்க 'எத்தனால்' என்ற வேதிப்பொருளை பயன்படுத்துவதாக கூறப்படுகிறது. இந்த நிலை மத்தூர், போச்சம்பள்ளி பகுதிகளில்  தெடர் கதையாக உள்ளது. எனவே இதுபோல் ஸ்பிரே மூலம் மத்தூர் பேருந்து நிலையத்தில் திறந்தவெளியில் ரசாயனம் தெளிக்கும் சம்பவம் சமூக ஆர்வலர்கள் இடையே பெரும் அதிர்ச்சியை ஏற்படுத்தி உள்ளது.

மேலும் படிக்க | மீண்டும் சர்ச்சையில் சிக்கிய தனியார் கல்லூரி ...வீடியோ வைரல்...

மேலும் இது குறித்து சமூக ஆர்வலர்கள் கூறுகையில் இதுபோல் செயல்களில் ஈடுபவர்கள் மீது நடவடிக்கை எடுக்க வேண்டும் என கோரிக்கை விடுத்துள்ளனர்.

இது குறித்து மாவட்ட உணவு பாதுகாப்பு அலுவலர் மருத்துவர் வெங்கடேசன் அவர்களிடம் கேட்ட பொழுது ஸ்பிரே மூலம் ரசாயனம் கலந்து மருந்து தெளிப்பது மிகப்பெரிய தவறு இது குறித்து உடனடியாக ஆய்வு செய்து நடவடிக்கை எடுக்கப்படும் என்று உறுதி அளித்தார்.

மேலும் படிக்க | பெண் பயணிக்கும் பேருந்தின் நடத்துனருக்கும் இடையே மோதல் ...வைரலாகி வரும் வீடியோ..

பகுத்தறிவு கொள்கையாளரான வைகோ, கருப்புத் துண்டை கழற்றிவிட்டு கோயிலில் குங்குமம் இட்டுக் கொள்ளும் வீடியோ சமூக வலைதளங்களில் வைரலாகி வருகிறது.

பகுத்தறிவாளர்:

பகுத்தறிவு கொள்கை பெரியார், அண்ணா, கருணாநிதி ஆகியோரின் பகுத்தறிவு கொள்கைகளால் ஈர்க்கப்பட்ட வைகோ சிறுவயதிலேயே திராவிட, சமூக நீதி கொள்கைகளை மேடைகள் எங்கும் பேசி முழங்கி வந்தார். ஒரு காலத்தில் திமுகவின் மிக முக்கிய பேச்சாளராக திகழ்ந்த வைகோ, தமிழ்நாடு மட்டுமின்றி இந்தியா முழுவதும் அவை பேச்சுக்காகவே புகழ்பெற்றார்.

மதிமுக:

ஒரு கட்டத்தில் கருணாநிதியுடன் ஏற்பட்ட மனக்கசப்பு காரணமாக திமுகவில் இருந்து விலகி மறுமலர்ச்சி திராவிட முன்னேற்றக் கழகம் கட்சியை தொடங்கினார் வைகோ. தொடக்கத்தில் தமிழ்நாட்டின் முக்கிய அரசியல் கட்சிகளில் ஒன்றாக அது உருவெடுந்த மதிமுக, வைகோவின் நிலைப்பாடற்ற கூட்டணி மாற்றம் காரணமாக சற்று சுருங்கி, தற்போது தவிர்க்கமுடியாத கூட்டணி கட்சிகளில் ஒன்றாக உள்ளது. தற்போது திமுகவுடன் கூட்டணியில் உள்ள மதிமுகவை கட்சிப் பணிகளை வைகோ மகன் துரை வைகோ கவனித்து வருகிறார்.

ஸ்ரீசுந்தரராஜ பெருமாள் கோயில்:

தென்காசி மாவட்டம் கலிங்கப்பட்டியில் உள்ள ஸ்ரீ மேல மரத்தோணி ஸ்ரீசுந்தரராஜ பெருமாள் கோயில் 100 ஆண்டுகள் பழமையானது. அப்பகுதியில் பிரசித்திபெற்ற ஒன்றாக உள்ள இந்த கோயிலை மதிமுக பொதுச்செயலாளர் வைகோவின் தாத்தா கோபாலசாமி 100 அண்டுகளுக்கு முன்பு கட்டியதாகக் கூறப்படுகிறது.

இதையும் படிக்க: ஆபத்தின் அறிகுறி! தமிழ்நாடு காங்கிரஸ் கமிட்டி தலைவர் கே.எஸ்.அழகிரி அறிக்கை

கோயில் புனரமைப்பு:

வைகோ திராவிட கொள்ளைவாதியாக இருந்தாலும், தனது தாத்தா கட்டிய கோயில் என்பதால் அதனை தனது சொந்த செலவிலேயே புனரைப்பு செய்து வருகிறார். இதற்காக அடிக்கடி கோயிலுக்கு சென்று புனரமைப்பு பணிகளை அவர் கவனித்து வருகிறார். இந்த நிலையில் சமீபத்தில் இவர் கோயிலுக்கு சென்ற வீடியோ ஒன்று சமூக வலைதளங்களில் அதிகளவில் பகிரப்பட்டு வருகிறது.

குங்குமமும், தீர்த்தமும்:

கடந்த 20 ஆம் தேதி புனரமைப்பு பணிகளை பார்வையிடுவதற்காக ஸ்ரீசுந்தரராஜ பெருமாள் கோயிலுக்கு சென்றுள்ளார் வைகோ. வைரலாகி வரும் வீடியோவில், கருப்பு துண்டை கழற்றி அருகில் உள்ள நபரிடம் கொடுத்த நிலையில் கருப்புத் துண்டுடன் ஒரு நபர் ஓரமாக நிறபது வீடியோவில் பதிவாகியுள்ளது. அருகே நின்றவரிடம் பணம் பெற்று அர்ச்சகர் தட்டில் காணிக்கை செலுத்திய் வைகோ, அர்ச்சகர் வழங்கிய தீர்த்தத்தை குடித்தபின், தட்டில் இருந்த குங்குமத்தை எடுத்து நெற்றியில் வைத்துக்கொண்டார்.

விமர்சனங்கள்:

இந்த வீடியோ சமூக வலைதளங்களில் வைரலாகி வருகிறது. குறிப்பாக பாஜக மற்றும் இந்து அமைப்புகளை சேர்ந்தவர்கள் இதனை பகிர்ந்து வைகோவையும் அவரது பெரியாரிய கொள்களையும் விமர்சித்து வருகின்றனர்.

சென்னை செம்மஞ்சேரியில் உள்ள சத்யபாமா பல்கலைகழகத்தில் மாணவர்களிடையே கோஷ்டி மோதல் ஏற்பட்ட வீடியோ சமூக வலைதளங்களில் வெளியாகி வைரலாகி வருகிறது.

சென்னை செம்மஞ்சேரியில் செயல்பட்டு வரும் சத்யபாமா பல்கலைக்கழக கேண்டீனில் நேற்று முன் தினம் உணவு உண்பதற்காக முதலாமாண்டு மாணவர்கள் சென்ற நிலையில், அப்போது அங்கு ஏற்கனவே உணவருந்திக் கொண்டிருந்த இரண்டாம் ஆண்டு மாணவர்கள், முதலாமாண்டு மாணவர்கள் செல்ல வழிவிடாமல் தடுத்ததாக கூறப்படுகிறது.

அதனைத் தொடர்ந்து தடுத்த இரண்டாம் ஆண்டு மாணவர்களை முதலாம் ஆண்டு மாணவர்கள் தட்டிக் கேட்டபோது வாக்கு வாதம் ஏற்பட்டு இரண்டாமாண்டு மாணவர்கள் முதலாமாண்டு மாணவர்களை அடித்ததாகவும் கூறப்படுகிறது. 

இதனால் ஆத்திரமடைந்த முதலாமாண்டு மாணவர் ஒருவர் தனது நண்பர்கள் 10-க்கும் மேற்பட்டோரை அழைத்துச் சென்று முதலாம் ஆண்டு மாணவர்களை தாக்கிய இரண்டாமாண்டு மாணவர்களுள் ஒருவரை சரமாறியாக தாக்கிய நிலையில், பல்கலைக்கழக வளாகத்தில் நடைபெற்ற இந்த சண்டை கோஷ்டி மோதலாக மாறி இரு குழுவாக தாக்கிக் கொண்டுள்ளனர். இந்த மோதலை  சில மாணவர்கள் வீடியோ எடுத்து சமூக வலைதளத்தில் பரப்பியுள்ள நிலையில் வீடியோ வைரலாகி வருகிறது.

ஏற்கனவே சத்யபாமா பல்கலைக்கழகத்தில் கடந்த 17 ஆம் தேதி தான் சீனியர் மாணவர்கள் ஜூனியர் மாணவர் ஒருவரை கடத்தி அறையில் வைத்து அடித்து பிரச்சனையானதாகவும், கல்லூரி நிர்வாகம் தங்களது செல்வாக்கை பயன்படுத்தி காவல் நிலையத்தில் வழக்குப்பதிவு செய்யவிடாமல் பார்த்துக் கொண்டதாகவும் கூறப்படுகிறது. இந்நிலையில் நேற்று முன் தினம் பல்கலைக்கழக வளாகத்திலேயே மாணவர்கள் அடித்துக் கொண்ட வீடியோ வெளியாகி பெரும் பரபரப்பை ஏற்படுத்தியுள்ளது.