.png)
வைபவ் சூர்யவன்ஷி.. பீகாரோட சமஸ்திபூரை சேர்ந்த 14 வயசு இளைஞர், IPL 2025-ல ராஜஸ்தான் ராயல்ஸ் (RR) அணிக்காக ஆடி, கிரிக்கெட் உலகத்தை தன்னோட பேட்டால் புரட்டிப் போட்டிருக்கார். 2024-ல, 13 வயசு 243 நாள்களில், IPL ஆக்ஷன்ல ரூ. 1.1 கோடிக்கு RR இவரை எடுத்தப்போ, IPL வரலாற்றுல இளைய வீரரா ஆனார். 12 வயசுல பீகாருக்காக ரஞ்சி ட்ரோஃபி ஆடி, இந்தியாவோட முதல்-தர கிரிக்கெட் போட்டியில் இளைய வீரர்களில் ஒருத்தரா பதிவானார்.
VVS லக்ஷ்மண், இவரோட திறமையை முதல்ல கண்டுபிடிச்சு, இந்தியா U-19 டீமுக்கு பரிந்துரைச்சார். 2024-ல சென்னையில ஆஸ்திரேலியா U-19 எதிரா 62 பந்துல 104 ரன்ஸ் அடிச்சு, இளைய சர்வதேச செஞ்சுரியனா ஆனார். ராகுல் டிராவிட், RR-னோட தலைமை பயிற்சியாளரா, இவரோட திறமையை மெருகேற்றி, IPL மேடைக்கு தயார் பண்ணினார்.
500 மிஸ்டு கால்ஸ்
ஏப்ரல் 28, 2025-ல, ஜெய்ப்பூர்ல சவாய் மான்சிங் ஸ்டேடியத்துல, வைபவ், குஜராத் டைட்டன்ஸ் (GT) எதிரா 35 பந்துல 101 ரன்ஸ் அடிச்சு, IPL வரலாற்றுல மிக இளம் வயதில் செஞ்சுரி அடித்த வீரர் என்ற பெருமையைப் பெற்றார். 14 வயசு 32 நாள்களில், இவர் இந்த சாதனையை படைச்சு, T20 கிரிக்கெட் வரலாற்றுலயும் இளைய செஞ்சுரியை பதிவு பண்ணார். 7 பவுண்டரிகள், 11 சிக்ஸர்களோட இந்த இன்னிங்ஸ், IPL-ல இரண்டாவது வேகமான செஞ்சுரியா (கிறிஸ் கெயில்-க்கு பிறகு) பதிவானது.
இந்த இன்னிங்ஸ், RR-க்கு 210 ரன்ஸ் டார்கெட்டை 15.5 ஓவர்களில் முடிக்க உதவியது, இது IPL-ல 200+ டார்கெட்டை வேகமா சேஸ் பண்ண சாதனையா ஆனது. ஆனா, இந்த செஞ்சுரிக்கு பிறகு வந்த புகழ், வைபவ்-க்கு ஒரு புது அனுபவமா இருந்தது. இதுகுறித்து ராகுல் டிராவிட் உரையாடலில் அவரிடம், 'உன்னோட செஞ்சுரிக்குப் பிறகு எவ்வளவு பேர் கால் பண்ணாங்க?' என்ற கேள்விக்கு பதில் சொல்ல வைபவ், "என்னோட ஃபோன்ல 500-க்கு மேல மிஸ்டு கால்ஸ் வந்தது. நிறைய பேர் பேச கால் பண்ணாங்க, அதனால 4 நாளைக்கு ஃபோனை ஆஃப் பண்ணி வச்சேன்,”னு சொல்லியிருக்கார்.
தோனி முன்னாடி ஒரு மாஸ்டர் பிளாஸ்ட்
இந்நிலையில் நேற்று முன்தினம் (மே 20) 2025-ல, டெல்லியில CSK எதிரான மேட்ச்ல, வைபவ் மறுபடியும் தன்னோட பேட்டால் மேஜிக் செய்தார். 188 ரன்ஸ் டார்கெட்டை சேஸ் பண்ண வந்த RR, வைபவ்-னோட 33 பந்துல 57 ரன்கள் குவித்தார். இங்கு கொஞ்சம் நிதானமான, தெளிவான ஆட்டத்தை வெளிப்படுத்தியது ஹைலைட். 5 பவுண்டரிகள், 3 சிக்ஸர்களோட இந்த இன்னிங்ஸ், ஆக்ரோஷமும் முதிர்ச்சியும் கலந்த ஒரு ஆட்டமா இருந்தது. நடு ஓவர்களில், CSK-னோட ஸ்பின்னர்களான மஹீஷ் தீக்ஷனா மற்றும் ரவீந்திர ஜடேஜாவை எதிர்கொண்டு, ஸ்மார்ட்டா சிங்கிள்ஸ் எடுத்து, தேவையான இடங்களில் பவுண்டரி அடிச்சார்.
RR கேப்டன் சஞ்சு சாம்ஸன், “வைபவ்-னோட கேம் அவேர்னெஸ் அபாரம். இவர் நடு ஓவர்களில் ஸ்ட்ரைக் ரொட்டேட் பண்ணி, சரியான பந்துல பவுண்டரி அடிச்சார். இந்த திறமை ஒரு 14 வயசு பையனுக்கு அசாதாரணம்,”னு பாராட்டினார். இந்த மேட்ச், CSK-னோட ஐகானிக் கேப்டன் MS தோனி முன்னாடி நடந்தது, இது வைபவ்-க்கு ஒரு மறக்க முடியாத தருணம். மேட்ச் முடிஞ்ச பிறகு, வைபவ் தோனியோட பாதத்தை தொட்டு ஆசி வாங்கினார், இது சமூக வலைதளங்களில் ரசிகர்களை கவர்ந்தது. India Today ரிப்போர்ட் படி, தோனி, “பிரஷரை மறந்து, கிரிக்கெட்டை என்ஜாய் பண்ணு,”னு வைபவ்-க்கு அறிவுரை சொன்னார்.
டிராவிட் மற்றும் லக்ஷ்மண்
வைபவ்-னோட வெற்றிக்கு பின்னால், டிராவிட் மற்றும் லக்ஷ்மண்-னோட வழிகாட்டுதல் முக்கியம். லக்ஷ்மண், BCCI-யோட U-19 ஒருநாள் சேலஞ்சர் டோர்னமென்ட்டுல வைபவ்-னோட ஆட்டத்தை பார்த்து, U-19 குவாட்ராங்குலர் சீரிஸுக்கு தேர்ந்தெடுத்தார். ஒரு U-19 மேட்ச்ல 36 ரன்ஸ்ல ரன்-அவுட் ஆனப்போ, வைபவ் டிரஸ்ஸிங் ரூம்ல அழுதார். லக்ஷ்மண் ஆறுதல் சொல்லி, “இந்த தோல்விகள் உன்னை வலுப்படுத்தும்,”னு சொன்னது, இவருக்கு பெரிய உற்சாகமா இருந்தது.
டிராவிட், RR-னோட தலைமை பயிற்சியாளரா, வைபவ்-க்கு ஒரு நட்பான சூழலை உருவாக்கினார். IPL ஆக்ஷனுக்கு முன்னாடி, ஒவ்வொரு மாசமும் 3-4 கேம்ப்ஸ் நடத்தி, இவரை அணியோட ஒருங்கிணைச்சார். “வைபவ்-க்கு நல்ல பேட் ஸ்பீட், உயரமான பேக்-லிஃப்ட், மற்றும் ஹேண்ட்-ஐ கூர்டினேஷன் இருக்கு. பந்தோட நீளத்தை வேகமா புரிஞ்சுக்குறார்,”னு டிராவிட் பாராட்டினார். CSK மேட்சுக்கு பிறகு, “வைபவ் கிரிக்கெட்டை என்ஜாய் பண்ணுறார். இது இவரோட மிகப்பெரிய பலம். யஷஸ்வி, சஞ்சு மாதிரியான வீரர்கள் இவருக்கு சிறந்த ஆசான்களா இருக்க முடியும்,”னு சொன்னார்.
புகழின் பிரஷர்
வைபவ்-னோட செஞ்சுரி, சச்சின் டெண்டுல்கர், ரோஹித் ஷர்மா, மைக்கேல் வாகன் மாதிரியானவர்களோட பாராட்டுகளை பெற்ருக்கு. ஆனா, இந்த புகழ் ஒரு சவாலையும் கொண்டு வந்தது. மும்பை இந்தியன்ஸ் (MI) எதிரான மேட்ச்ல, வைபவ் 2 பந்துல டக் அவுட் ஆனார், டீபக் சாஹர் பந்துல வில் ஜாக்ஸ்-க்கு கேட்ச் கொடுத்து பெவிலியன் திரும்பினார். இது, இளம் வயசுல எதிர்பார்ப்புகளை கையாளுற சவாலை காட்டியது. இதுகுறித்து டிராவிட், “புகழை முழுசா தவிர்க்க முடியாது. ஆனா, இவரை ஒரு இளைஞரா வளர விடணும். மீடியா, ரசிகர்கள் பொறுப்போட கையாளணும்,”னு சொல்லியிருக்கார்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
