ஜேசி லீ டுகார்ட் கடத்தப்பட்டு, 18 ஆண்டுகள் கற்பனை செய்ய முடியாத பயங்கரத்திற்கும் பாலியல் வன்கொடுமைக்கும் உள்ளாக்கப்பட்டபோது, அவருக்கு வயது வெறும் 11. ஜூன் 10, 1991 அன்று, ஜேசி தனது வீட்டிலிருந்து பேருந்து நிறுத்தத்தை நோக்கிப் புறப்பட்டார். ஜேசிக்கு அருகில் ஒரு கார் வந்து நின்றது, அந்த வண்டியின் ஓட்டுநர் வழி கேட்கிறார் என்று ஜேசி நினைத்துள்ளார். ஆனால், அதற்குப் பதிலாக அந்த ஓட்டுநர் ஜேசி மீது ஒரு மின் அதிர்ச்சி ஆயுதத்தைப் பயன்படுத்தி மயக்கமுற செய்துள்ளார்.
அந்த காரை ஓட்டிக்கொண்டிருந்தவர், தண்டனை பெற்ற பாலியல் குற்றவாளியும் குழந்தைப் பாலியல் வன்கொடுமையாளனுமான பிலிப் காரிடோ. தனது மனைவி நான்சி பின் இருக்கையில் அமர்ந்து ஜேசியைக் கட்டுப்படுத்திக்கொண்டிருந்தார். கடத்தலுக்கு பிறகு ஜேசி, காரிடோ மற்றும் அவரது மனைவியால் பாலியல் அடிமையாக வைக்கப்பட்டு, அவர்களுடைய வீட்டுப் பின்புறத்தில் அமைக்கப்பட்ட தற்காலிகக் கூடாரங்களில் அடைத்து வைக்கப்பட்டு, எந்தவித மருத்துவ உதவியும் இன்றி இரண்டு குழந்தைகளைப் பெற்றெடுக்கக் கட்டாயப்படுத்தப்பட்டுள்ளார்.
அந்த தம்பதிகள் அவற்றில் ஒன்று ஒலி புகாதவாறு அமைக்கப்பட்டிருந்த ஒரு இருப்பிடத்தை உருவாக்கினர். ஜேசி சங்கிலியால் பிணைக்கப்பட்டு தனியாக விடப்பட்டார். இருப்பிடத்திற்கு வெளியே காவல் நாய்கள் வெளியே ரோந்து செய்யவைக்கப்பட்டிருந்தனர்.
ஜேசியின் தாய் தொலைக்காட்சி நிகழ்ச்சிகளில் தோன்றினார், நினைவுக் கூட்டங்களை ஏற்பாடு செய்தார், மேலும் ஜேசியின் அடையாளத்தையும் புகைப்படத்தையும் பொதுமக்களின் நினைவில் ஆழமாகப் பதியவைக்க சாத்தியமான எல்லா வழிகளையும் பின்பற்றினார். கடத்தல் நடந்து ஏழாவது நாள், ஜேசி கட்டப்பட்டிருந்த நிலையில், காரிடோ அவருக்கு ஒரு மில்க்ஷேக்கைக் கொண்டு வந்து கொடுத்து, நிலைமை சரியாகிவிடும் என்று உறுதியளித்து, அதன் பிறகு, அவர் ஜேசியை முதல் முறையாகப் பாலியல் வன்கொடுமை செய்துள்ளார்.
சுவர்களுக்குள் மாயக் குரல்கள் கேட்பதாக காரிடோ கூறியுள்ளார். இதைப் பற்றிப் பேசும்போது அடிக்கடி கண்ணீர் விட்டு அழுத அவர், தன்னை ஆறுதல்படுத்துமாறு ஜேசியிடம் கேட்டுக்கொண்டார். மேலும், 18 ஆண்டுகளாக, ஜேசி தனது சொந்தப் பெயரை எழுத்திலோ அல்லது வாய்மொழியிலோ பயன்படுத்துவதற்குத் தடை விதிக்கப்பட்டது, இது அவரது அடையாளத்தை முற்றிலுமாக அழிக்க முயற்சித்துள்ளனர்.
1994-ஆம் ஆண்டில், வெறும் 13 வயதாக இருந்தபோது, அந்தத் தம்பதியினர் ஜேசிக்கு பல வருடங்களுக்குப் பிறகு முதல் முறையாக முழுமையான உணவை அளித்ததோடு, அவர் கர்ப்பமாக இருப்பதாகத் தாங்கள் நம்புவதாகவும் தெரிவித்தனர். தங்களைத் தயார்படுத்திக்கொள்ள மேலும், தம்பதிகள் எந்த மருத்துவ உதவியும் இன்றி ஜேசிக்கு பிரசவம் செய்துள்ளனர். இதனையடுத்து மூன்று ஆண்டுகளுக்குப் பிறகு, அதே சூழ்நிலையில் ஜேசி தனது இரண்டாவது மகளைப் பெற்றெடுத்தார். பல ஆண்டுகளுக்குப் பிறகே பிலிப்பும் நான்சியும் ஜேசியையும் அவரது குழந்தைகளையும் வெளியே செல்ல அனுமதித்துள்ளனர்.
தன் மகள்கள் வளர வளர, ஜேசி, தான் கடத்தப்படுவதற்கு முன்பு கற்றுக்கொண்ட கணிதம் மற்றும் எழுத்து உள்ளிட்ட பாடங்களை அவர்களுக்கு வீட்டிலேயே கற்பிக்கத் தொடங்கியுள்ளார். ஆனால் பின்னாளில் அந்த தம்பதிகளால் நான்சிதான் தாய் என்றும், ஜேசி அவர்களின் சகோதரி என்றும் குழந்தைகளால் நம்ப வைக்கப்பட்டுள்ளனர். பிடிபடாமல் இருப்பதில் மேலும் துணிச்சல் பெற்ற அந்தத் தம்பதியினர், 19 வயதே ஆன ஜேசிக்கு, ஆயிரக்கணக்கானோர் கலந்துகொண்ட ஒரு கோடை விழாவிற்குச் அழைத்து சென்றுள்ளனர். அப்போது தனது மத நம்பிக்கைகளைப் பரப்பும் துண்டுப் பிரசுரங்களை விநியோகிப்பதற்காக ஒரு பல்கலைக்கழகத்திற்குச் சென்றிருந்த பிலிப் மீது இரண்டு வளாகக் காவல்துறை அதிகாரிகளுக்குச் சந்தேகம் ஏற்பட்டபோது, 18 ஆண்டுகாலக் கொடுமைக்குப் பிறகு ஜேசியின் துயரம் முடிவுக்கு வந்தது.
அதன் பின்பு சிறிது நேரத்திற்குப் பிறகு, அவளுடைய தாயார் டெர்ரி ப்ரோபின், 18 ஆண்டுகளாகத் தான் ஆவலுடன் எதிர்பார்த்துக் கொண்டிருந்த அந்த அழைப்பைப் பெற்றார். ஜேசி கண்டுபிடிக்கப்பட்டபோது, அவருடைய மகள்களுக்கு 15 மற்றும் 11 வயது ஆகியிருந்தது. 2011-ஆம் ஆண்டில், அப்பொழுது 60 வயதாக இருந்த பிலிப் காரிடோவுக்கு 431 ஆண்டுகள் சிறைத் தண்டனையும், 55 வயதான நான்சிக்கு 36 ஆண்டுகள் சிறைத் தண்டனையும் விதிக்கப்பட்டது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.