வெறும் 40,000 பட்ஜெட்டில்.. நீங்க வெளிநாடு டூர் போக முடியுமா?

வெளிநாடு போய் ஜாலியா டூர் அடிக்கணும்னு ஆசை இருக்கு, ஆனா பாக்கெட் காலியாகிடுமோனு பயமா? கவலை வேண்டாம்! கொஞ்சம் பிளானிங், சாமர்த்தியமான பட்ஜெட் மேனேஜ்மென்ட் இருந்தா, இந்தியாவிலிருந்து 40,000 ரூபாய்க்கு கீழேயே சூப்பர் வெளிநாட்டு இடங்களுக்கு பயணம் செய்யலாம்.

1. நேபாளம்

நேபாளம், இந்தியாவுக்கு பக்கத்துல இருக்குறதால, சுலபமா போய்ட்டு வரலாம்.

பட்ஜெட்: 30,000 - 35,000 ரூபாய்

சுற்றிப் பார்க்க சிறந்த காலம்: அக்டோபர் முதல் மார்ச் வரை

நேபாளம், இந்தியர்களுக்கு விசா தேவையில்லாத நாடு, அதனால செலவு, நேரம் இரண்டும் மிச்சம். காத்மாண்டுவில் கலகலப்பான தெருக்களை சுத்திப் பார்க்கலாம், பசுபதிநாத் கோயிலுக்கு போய் ஆன்மீக அனுபவம் பெறலாம், இல்லைனா பொகாராவில் அமைதியான ஏரிக்கரையில் ரிலாக்ஸ் பண்ணலாம். அங்கே street food ரொம்ப சுவையா, மலிவாவும் இருக்கு. தங்குவதற்கு ஒரு நாள் பட்ஜெட் 1,000 ரூபாய்க்கு கீழேயே கிடைக்கும். பஸ், உள்ளூர் போக்குவரத்து செலவும் கம்மி. இது ஒரு பட்ஜெட்-ஃப்ரெண்ட்லி ஆன்மீக, இயற்கை பயணத்துக்கு சூப்பர் இடம்.

2. பூட்டான்

பூட்டானில் கலாசாரம், ஆன்மீகம், இயற்கை எல்லாம் ஒருங்கே கிடைக்கும்.

பட்ஜெட்: 35,000 - 40,000 ரூபாய்

சுற்றிப் பார்க்க சிறந்த காலம்: மார்ச் முதல் மே, செப்டம்பர் முதல் நவம்பர்

பூட்டான், இந்தியர்களுக்கு விசா இல்லாமல் போகலாம், ஆனா ஒரு சின்ன Sustainable Development Fee கட்டணும். பாரோ, திம்பு, புனாக்கா போன்ற ஊர்களில் அழகான மடங்கள், ட்ரெக்கிங், கலாசார திருவிழாக்கள் இருக்கு. பொது போக்குவரத்து கொஞ்சம் குறைவு, ஆனா ஷேர் டாக்ஸி எடுத்து சுற்றலாம். ஹோம்ஸ்டேக்கள், கெஸ்ட்ஹவுஸ்கள் மலிவு விலையில், உண்மையான பூட்டானிய அனுபவத்தை கொடுக்கும். இது ஒரு அமைதியான, கலாசார பயணத்துக்கு ஏத்த இடம்.

3. இலங்கை

இலங்கை, கடற்கரை முதல் வரலாறு வரை எல்லாம் கொடுக்கும் ஒரு பாரடைஸ்

பட்ஜெட்: 35,000 - 40,000 ரூபாய்

சுற்றிப் பார்க்க சிறந்த காலம்: டிசம்பர் முதல் ஏப்ரல் (மேற்கு, தெற்கு), மே முதல் செப்டம்பர் (கிழக்கு)

கொழும்பில் சிட்டி வாழ்க்கையை அனுபவிக்கலாம், கண்டியில் பாரம்பரியத்தை பார்க்கலாம், இல்லைனா பென்டோட்டா, மிரிஸ்ஸாவில் கோல்டன் கடற்கரைகளில் ரிலாக்ஸ் பண்ணலாம். முன்கூட்டியே டிக்கெட் புக் பண்ணினா, விமான கட்டணம் 20,000 ரூபாய்க்கு கீழே கிடைக்கும். கெஸ்ட்ஹவுஸ்கள் ஒரு நாளைக்கு 800 ரூபாயிலிருந்து ஆரம்பிக்குது. உள்ளூர் பஸ், ரயில் செலவு ரொம்ப கம்மி. இலங்கை உணவு, சுற்றுலா எல்லாம் பட்ஜெட்டுக்கு ஏத்த மாதிரி இருக்கு.

4. தாய்லாந்து

தாய்லாந்து, இந்தியர்களுக்கு எப்பவும் பிடித்த இடம், காரணம் இருக்கு!

பட்ஜெட்: 35,000 - 40,000 ரூபாய்

சுற்றிப் பார்க்க சிறந்த காலம்: நவம்பர் முதல் பிப்ரவரி

பாங்காக், புகெட் போன்ற இடங்களுக்கு மலிவு விமானங்கள் இருக்கு. Street food ஒரு வேளைக்கு 150 ரூபாய்க்கு கீழே கிடைக்கும், சுவையும் அருமை. கோயில்கள், கடற்கரைகள், நைட் லைஃப், ஷாப்பிங் எல்லாம் பட்ஜெட்டில் அடங்கும். இந்தியர்களுக்கு விசா ஆன் அரைவல் (visa on arrival) இருக்கு, இதனால நேரமும் செலவும் மிச்சம். தங்குமிடமும் மலிவு விலையில், ஹாஸ்டல்கள் முதல் பட்ஜெட் ஹோட்டல்கள் வரை கிடைக்கும். இது ஒரு ஜாலியான, பலவித அனுபவங்களை கொடுக்குற இடம்.

5. வியட்நாம்

வியட்நாம் பயணிகளை கவர்ந்து இழுக்குற ஒரு அழகான இடம்.

பட்ஜெட்: 38,000 - 40,000 ரூபாய்

சுற்றிப் பார்க்க சிறந்த காலம்: மார்ச் முதல் மே, செப்டம்பர் முதல் நவம்பர்

ஹோ சி மின் சிட்டி, ஹனோய், டா நாங் போன்ற இடங்களில் வரலாற்று இடங்கள், பிரஞ்சு காலனி கட்டிடங்கள், கலகலப்பான மார்க்கெட்டுகள் இருக்கு. ஒரு கிண்ணம் ஃபோ (வியட்நாமிய உணவு) 100 ரூபாய்க்கு கீழே கிடைக்கும். ஹாஸ்டல்கள், பட்ஜெட் ஹோட்டல்கள் ஒரு நாளைக்கு 500-800 ரூபாயில் கிடைக்கும். விமான டிக்கெட் கொஞ்சம் செலவு ஆனாலும், தினசரி செலவுகள் ரொம்ப கம்மி.

பட்ஜெட்டில் வெளிநாடு பயணிக்க சில டிப்ஸ்

முன்கூட்டி புக்கிங்: விமான டிக்கெட்களை 2-3 மாசத்துக்கு முன்னாடி புக் பண்ணினா கட்டணம் குறையும்.

ஆஃப்-சீசன் பயணம்: உச்ச பயண மாதங்களை தவிர்த்து, மலிவான கட்டணத்தில் பயணிக்கலாம்.

ட்ராவல் ஆப்ஸ்: Skyscanner, Booking.com, Hostelworld மாதிரியான ஆப்ஸை பயன்படுத்தி சிறந்த டீல்களை கண்டுபிடிக்கலாம்.