கமல் தயாரிப்பில் உதயநிதி; அதிரடியாக அறிவித்த உலக நாயகன்!

கமலஹாசன் தயாரிப்பு நிறுவனமான ராஜ் கமல் பிலிம்ஸ் தயாரிப்பின் 54 வது படத்தில் உதயநிதி நடிக்க இருப்பதாக கமல் அறிவித்துள்ளார்.

webteam webteam
Jul 26, 2022 - 08:04
0 87
கமல் தயாரிப்பில் உதயநிதி; அதிரடியாக அறிவித்த உலக நாயகன்!

தற்போது பல படங்கள் தயாரித்து வெளியிட்டு வரும் ரெட் ஜெயண்ட் மூவீஸ் தயாரிப்பு நிறுவனம் தற்போது தனது 15வது ஆண்டைக் கடந்துள்ளது. அதனைக் கொண்டாடும் வகையில், நிகழ்ச்சி நடத்தப்பட்டது. அந்த நிகழ்ச்சியில், பாலிவுட் நடிகர் ஆமீர் கானும், உலக நாயகன் கமலஹாசனும் கலந்துக் கொண்டனர்.

உலக நாயகன் கமலஹாசன் நடிப்பில் வெளியான சமீபத்திய படம் விக்ரம். லோகேஷ் கனகராஜ் இயக்கத்தில், ராஜ் கமல் பிலிம்ஸ் மற்றும் ரெட் ஜெயண்ட் மூவீஸ் இணைந்து தயாரித்த இந்த படத்தில், கமலுடன், விஜய் சேதுபதி, ஃபகத் பாசில், நரேன், காளிதாஸ் ஜெயராம், சூரியா என்ற பெரிய நட்சத்திரப் பட்டாளமே நடித்திருந்தது. அனிருத் இசையமைத்த இந்த படத்தின் பாடல்களும் பட் ஹிட்டானது குறிப்பிடத்தக்கது. இந்த் அபடம் முதல், உதயநிதியும், கமலுன் நெருங்கிய நண்பர்கள் ஆகினர்.

இந்நிலையில், நேற்று நடந்த நிக்ழச்சியில், கமல் ஒரு அறிவிப்புக் கொடுத்தார். தனது தயாரிப்பு நிறுவனமான ராஜ் கமல் ஃபிலிமிஸ் -இன் அடுத்தப் படத்தில், உதயநிதி நடிக்க இருப்பதாக அவர் அறிவித்தார். இந்த அறிவிப்பு, பெரும் இன்ப அதிர்ச்சியாக இருந்தது. இந்த படம், ராஜ் கமல் ஃபிலிம்ஸ் தயாரிப்பின் 54 வது படம் என்பது குறிப்பிடத்தக்கது.

இது குறித்து, தனது ட்விட்டர் பக்கத்தில், உதயநிதி, “15 வருட ரெட் ஜெயண்ட் மூவீஸ்-ன் சினிமா பயணத்தை கொண்டாடும் விதமாக உடன் பங்காற்றியவர்களை நேற்று சென்னையில் நடைபெற்ற நிகழ்ச்சியில் கௌரவித்தோம். ராஜ் கமல் ஃபிலிம்ஸ் தயாரிக்கும் அடுத்த படத்தின் கதை நாயகனாகும் பெருமைமிகு வாய்ப்பை எனக்கு வழங்கி, அதற்கான அறிவிப்பை வெளியிட்ட கமலஹாசன் சாருக்கு நன்றி.” என பதிவிட்டிருந்தார். இந்த பதிவுக்கு, பலரும் வாழ்த்துகள் தெரிவித்து வருகின்றனர்.