'டாடா' படத்தின் மாபெரும் வெற்றியைத் தொடர்ந்து, தயாரிப்பாளர் எஸ் அம்பேத் குமாரின் ஒலிம்பியா பிக்சர்ஸின் சமீபத்திய வெளியீடான 'கழுவேத்தி மூர்க்கன்' படத்தில் அருள்நிதி மற்றும் துஷாரா விஜயன் முன்னணி கதாபாத்திரங்களில் நடித்திருக்க சை கௌதம ராஜ் இயக்கியுள்ளார். ரெட் ஜெயண்ட் மூவிஸ் மூலம் தமிழ்நாட்டில் 310 திரையரங்குகளில் இந்தத் திரைப்படம் பிரம்மாண்டமாக வெளியானது. இந்த வெற்றியைக் குறிக்கும் வகையில், ஒட்டுமொத்த அணியினரும் கேக் வெட்டி தங்கள் மகிழ்ச்சியை பகிர்ந்து கொண்டனர்.

 மேலும் படிக்க | அமைச்சர் செந்தில் பாலாஜியின் நண்பர் வீட்டில் 2வது நாளாக ஐடி ரெய்டு

விழாவில் ஒலிம்பியா பிக்சர்ஸ் தயாரிப்பாளர் எஸ். அம்பேத் குமார் பேசுகையில், “2023 ஆம் ஆண்டு ஒலிம்பியா பிக்சர்ஸ் நிறுவனத்திற்கு ஒரு நம்பிக்கைக்குரிய வருடமாக அமைந்துள்ளது. ‘டாடா’ படத்தின் மாபெரும் வெற்றியுடன் இந்த வருடம் துவங்கியது. இப்போது எங்களின் சமீபத்திய வெளியீடான ‘கழுவேத்தி மூர்க்கன்’ மூலம் இன்னொரு வெற்றியைப் பரிசாகக் கொடுத்துள்ளோம். தமிழகம் முழுவதும் 310 திரையரங்குகளில் வெளியான இப்படம், விமர்சகர்கள் மற்றும் பார்வையாளர்களிடமிருந்து அமோகமான வரவேற்பைப் பெற்று வருவதை பார்க்க மகிழ்ச்சி அளிக்கிறது.

ரெட் ஜெயண்ட் மூவிஸ் மீண்டும் எங்கள் படத்தை வெளியிட்டதற்காக நன்றி தெரிவிக்க இந்த வாய்ப்பைப் பயன்படுத்துகிறேன். இது எங்கள் கூட்டணிக்கு மீண்டும் கிடைத்த வெற்றி. இயக்குநர் சை கௌதம ராஜின் அசாதாரன உழைப்புக்கும், கதை சொல்லலில் சரியான எமோஷன் மற்றும் பொழுதுபோக்கையும் கொண்டு வந்திருக்கும் அவரது திறமைக்கும் நன்றி. அருள்நிதி தனது நம்பிக்கைக்குரிய நடிப்பு மற்றும் மிகுந்த அர்ப்பணிப்புடன் முழு படத்தையும் உயர்த்துவதில் மிகப்பெரிய தூணாக இருந்துள்ளார். துஷாரா, சந்தோஷ் பிரதாப், சாயா தேவி, முனிஷ்காந்த், சரத்லோகித் சாவா மற்றும் படத்தில் நடித்த நடிகர்கள் அனைவரும் மிகவும் சிறப்பாக தங்கள் பணியை செய்துள்ளனர்.

மேலும் படிக்க | கோலாகலமாக நடைபெற்ற யூடியூப் பிரபலம் - இயக்குநர் விஜயின் திருமணம்!!!!

தொழில்நுட்ப வல்லுநர்களின் சிறந்த ஆதரவிற்கு நான் நன்றி கூறுகிறேன். படத்தைப் பற்றி தங்கள் அன்பைக் காட்டியதற்கும், நேர்மறையான வார்த்தைகளைப் பகிர்வதற்கும் பத்திரிகை மற்றும் ஊடக நண்பர்களுக்கும் பார்வையாளர்களுக்கும் நன்றி. ஒலிம்பியா பிக்சர்ஸ் உலகளாவிய பார்வையாளர்களின் ரசனைகளை ஈர்க்கும் உள்ளடக்கம் சார்ந்த மற்றும் பொழுதுபோக்கு திரைப்படங்களை தொடர்ந்து தயாரிக்கும்" என்றார். 

நடிகரும், இயக்குநருமான விஜய்க்கு திருமணம்! - பிரபலங்கள் வாழ்த்து

‘எருமை சாணி’ என்ற யூடியூப் வீடியோக்கள் மூலம் யூடியூப் உலகில் தனக்கென்று தனி இடம் பிடித்தவர் விஜய். சமூகத்திற்கு தேவையான விஷயங்களை நகைச்சுவை பாணியில் வீடியோக்களாக வெளியிட்டதால் விஜயின் வீடியோக்களுக்கு தனி ரசிகர் வட்டம் உருவானது. மேலும், விஜயின் நடிப்பு மற்றும் நகைச்சுவை பேச்சுக்களால் அவருக்கென்றும் தனியாக ரசிகர் வட்டம் உருவாக, அவர் பட்டிதொட்டியெல்லாம் பிரபலம் அடைந்தார்.

மேலும் படிக்க | கேமராக்கள் இல்லை என்பதால் அங்கீகாரத்தை ரத்து செய்வோம் என சொல்வது அதிகபட்சமான செயல்" - மா.சுப்பிரமணியன்

யூடியூப் வெற்றியை தொடர்ந்து வெள்ளித்திரையில் நடிகராக எண்ட்ரியான விஜய், ஹிப் ஹாப் ஆதி நடித்த ‘மீசையை முறுக்கு’ மற்றும் ‘நான் சிரித்தால்’ போன்ற படங்களில் நடித்து பெரிய திரை நடிகராகவும் பிரபலமானார்.  இதற்கிடையே நடிகராக இருந்த விஜய்க்கு திரைப்படம் இயக்குவதில் ஆர்வம் திரும்பியது. அதன்படி அருள்நிதியை நாயகனாக வைத்து ‘டி பிளாக்’ என்ற திரைப்படத்தை இயக்கினார். சஸ்பென்ஸ் த்ரில்லர் ஜானர் திரைப்படமான ‘டி பிளாக்’ ரசிகர்களிடம் நல்ல வரவேற்பை பெற்றது.இந்த நிலையில் விஜய்க்கு திருமணம் நடைபெற்றுள்ளது. அவர் தனது காதலி நட்சத்திராவை கரம் பிடித்துள்ளார்.

மேலும் படிக்க | கல்லூரிகளின் அங்கீகாரம் ரத்து : - மோசமான பாதிப்புகளை ஏற்படுத்தி விடும் " - அன்புமணி ராமதாஸ்

விஜய் - நட்சத்திரா திருமணம் கோவையில் உள்ள கயல் வெட்டிங் பேலஸில் கோலாகலமாக நடைபெற்றது. திருமண விழாவில் ஊடகத்தை சேர்ந்தவர்களும், திரையுலகைச் சேர்ந்தவர்களும் கலந்து கொண்டு மணமக்களை வாழ்த்தினார்கள்.விஜயின் பெற்றோர் ராஜேந்திரன் - லதா மற்றும் நட்சத்திராவின் பெற்றோர் மூர்த்தி - ஷீபா ஆகியோர் விருந்தினர்களை வரவேற்றார்கள்.

கில்லி, தூள் படங்களின் மூலம் தமிழ் ரசிகர்களுக்கு பரீட்சயமான நடிகர் ஆசிஷ் வித்யார்த்தி 2-வது திருமணம் செய்துள்ளார். திரையில் பார்வையால் மிரட்டிய நடிகர் தற்போது, நிஜ வாழ்க்கையில் காதல் நாயகனாக ஜொலித்திருக்கிறார். 

கேரள மாநிலம் கண்ணூரில் பிறந்து வளர்ந்த ஆசிஷ் வித்யார்த்தி 1991-ம் ஆண்டு கால் சந்தியா என்ற இந்தி படத்தின் மூலம் திரையுலகுக்கு அறிமுகமானார். 

தமிழில் தில் படத்தின் மூலம் வில்லனாக அறிமுகமான ஆசிஷ் வித்யார்த்தி, பாபா, ஏழுமலை, பகவதி, தமிழ், தமிழன், கில்லி ஆகிய திரைப்படங்களின் மூலம் தமிழ் ரசிகர்களை வெகுவாக கவர்ந்தார். தென்னிந்தியாவின் அனைத்து மொழிகளிலுமே நடித்து முடித்த பான் இந்திய நடிகர் ஆசிஷ் வித்யார்த்தி;  1993-ம் ஆண்டு பாடகியும், ரேடியோ ஜாக்கியுமான ராஜோஷி என்பவரை திருமணம் செய்து கொண்டார். 

இவ்வாறிருக்க, ராஜோஷியை திருமணம் செய்த போதிலும் இருவருக்குள்ளும் எழுந்த கருத்து வேறுபாடு காரணமாக தனித்தனியே பிரிந்து வாழ்ந்து வந்தனர். மேலும், தனிமை விரும்பியாக இந்தியாவை சுற்றி வந்த ஆசிஷ் வித்யார்த்தி அவ்வப்போது இன்ஸ்டாகிராம் பக்கங்களில் சில வீடியோக்களை போட்டு வைந்தார். 

இதையும் படிக்க     | நடிகர் விஜய்சேதுபதி மீது கதை திருட்டு புகார்...!

இந்த நிலையில் அசாம் மாநிலம் கவுகாத்தியைச் சேர்ந்த தொழிலதிபர் ருபாலி பரூவா என்பவருடன் டேட்டிங் செய்து வந்தார் ஆசிஷ்.

இவர்களின் புகைப்படங்கள் இணையதளங்களில் வைரானதைத் தொடர்ந்து , ஆசிஷ் 33 வயதான  வித்யார்த்தி ருபாலி பரூவாவை இரண்டாவதாக திருமணம் செய்துள்ளார். 

இவ்வாறிருக்க,  முதல் மனைவி ராஜோஷியை பிரிந்தவர் தற்போது 60 வயதில் இரண்டாவது திருமணம் செய்திருப்பதை அறிந்த ரசிகர்கள் தங்கள் வாழ்த்துக்களை தெரிவித்து வருகின்றனர். 

இதையும் படிக்க     | எல்லை தாண்டும் அமுல் நிறுவனம்..! அமித்ஷாவுக்கு முதலமைச்சர் கடிதம்..!

விஜய்சேதுபதி, மோகன்ராஜா, விவேக், மகிழ்திருமேனி மேகா ஆகாஷ், ஆகியோர் நடிப்பில் மே 19-ம் தேதியன்று வெளியானது யாதும் ஊரே யாவரும் கேளிர். தமிழ்நாட்டில் வாழும் இலங்கை தமிழர்களின் வலியை எடுத்துரைக்கும் விதமாக கதை உருவாக்கப்பட்டிருந்தது. 

இந்நிலையில்  தற்போது, யாதும் ஊரே யாவரும் கேளிர் திரைப்படத்தின் கதை தன்னிடம் இருந்துதான் திருடப்பட்டது என குரல் கொடுத்துள்ளார் எழுத்தாளர் ஒருவர். ஈழ எழுத்தாளரான தொ.பத்திநாதன் என்பவர் இலங்கையில் நடந்து வந்த போர்க்குற்றங்கள் குறித்தும், நிலம் கேட்டு போராடி உயிர் நீத்த போராளிகள் குறித்தும் பல்வேறு படைப்புகளை வெளியிட்டார். இவர், அந்தரம், தொப்புள்கொடி, போரின் மறுப்பக்கம், தமிழகத்தின் ஈழ அகதிகள், தகிப்பின் வாழ்வு ஆகிய புத்தகங்களை இவர் எழுதியுள்ளார் என்பது குறிப்பிடத்தக்கது. 

இவ்வாறிருக்க, தற்போது தொ.பத்திநாதனின் புத்தகங்களில் இருந்தே நான்கைந்து சிறுகதைகளை தனித்தனியே பிரித்து அதனை ஒரே கதையில் புகுத்தி ' யாதும் ஊரே யாவரும் கேளிர் '  படத்தினை உருவாக்கியிருப்பதாக புகார்கள் குண்டு மழையாய் பொழியத் தொடங்கியுள்ளது. 

ஈழத்தமிழர்களின் வலிகளை நேரில் பார்த்து எழுதிய எழுத்தாளர்களின் உழைப்பை இயக்குநர்கள் சுரண்டுவது ஏன்?,...  திருட்டுக் கதையை தூக்கிக் கொண்டு கோலிவுட் சந்தையில் விற்க வேண்டும் என்ற அவசியம் என்ன ? என்பதே எழுத்தாளர்களின் குமுறலாக உள்ளது.         

இதையும் படிக்க     |  8 ஆண்டுகளுக்கு பிறகு அஜித்துக்கு ஜோடியாக திரிஷா!           

இதையடுத்து,  மணிரத்னம், வெற்றி மாறன் போன்ற பெரிய இயக்குநர்களே நாவலைப் படமாக்கும் போது எழுத்தாளர்களுக்கு நன்றி தெரிவித்து, சட்டப்படி கதையை பயன்படுத்தி வரும் நிலையில் அறிமுக இயக்குநர்கள், அடுத்தவர்களின் உழைப்பை உறிஞ்சுவதற்கு வெட்கமாக இல்லையா? எனவும்  ரசிகர்கள் கேள்வி எழுப்பி வருகின்றனர். 

இதையும் படிக்க     |  அடுத்த மாதம் தொடங்கும் 'விடாமுயற்சி' படப்பிடிப்பு...!!!

8 ஆண்டுகளுக்கு பிறகு நடிகர் அஜித் குமாருக்கு ஜோடியாக திரிஷா நடிக்க உள்ளதாக தகவல்கள் வெளியாகி உள்ளன. 

பல ஆண்டுகளாக தமிழ் திரையுலகின் முன்னனி நடிகையாக வலம் வருபவர் திரிஷா. 1999 ஆம் ஆண்டு வெளிவந்த ஜோடி திரைப்படத்தில் துணைநடிகையாக தமிழ் சினிமாவில் தனது பயணத்தை தொடங்கிய இவர் 60க்கும் மேற்பட்ட திரைப்படங்களில் நடித்துள்ளார். சமீபத்தில் இவர் நடித்து வெளியான பொன்னியின் செல்வன் திரைப்படம் தமிழ் ரசிகர்களுக்கு இடையே பெரும் வரவேற்பை பெற்றது. சோழ மன்னர்களின் வரலாற்றை அடிப்படையாக கொணடு எடுக்கபட்ட இத்திரைப்படத்தில் திரிஷா குந்தவை என்ற கதாபாத்திரத்தை ஏற்று நடித்திருந்தார்.

இந்நிலையில் 'விடாமுயற்சி' படத்தில் அஜித்துக்கு ஜோடியாக திரிஷா நடிக்க இருப்பதாக தகவல் வெளியாகியுள்ளது.  எச்.வினோத் இயக்கத்தில் அஜித் நடித்த 'துணிவு' திரைப்படம் இந்தாண்டு தொடக்கத்தில் வெளியானது. இதனைத் தொடர்ந்து நடிகர் அஜித், விக்னேஷ் சிவன் இயக்கத்தில் நடிப்பார் என அறிவிக்கப்பட்டது. ஒரு சில காரணங்களால் விக்னேஷ் சிவன், அந்தப் படத்திலிருந்து விலக்கப்பட்டார்.

இதையடுத்து, அஜித்தின் அடுத்த படத்தை மகிழ் திருமேனி இயக்குவார் என படத்தின் தயாரிப்பு நிறுவனமான லைகா அதிகாரபூர்வமாக அறிவித்தது. இந்நிலையில், இப்படத்தில் அஜித்துக்கு ஜோடியாக திரிஷா நடிக்க இருப்பதாக தகவல் வெளியாகியுள்ளது. விரைவில் இதனை படக்குழு அதிகாரபூர்வமாக அறிவிக்கலாம் என்று எதிர்பார்க்கப்படுகிறது.

இதையும் படிக்க:‘இந்தியன் 2’ – மாஸ் அப்டேட் கொடுத்த இயக்குநர் ஷங்கர்...!!