வன்னியர்களுக்கான இட ஒதுக்கீடு ரத்தை எதிர்த்து தமிழக அரசு மேல்மேறையீடு செய்யும்.. அமைச்சர் பொன்முடி
வன்னியர்களுக்கான 10.5 சதவீத இட ஒதுக்கீடு ரத்தை எதிர்த்து தமிழக அரசு மேல்முறையீடு செய்யும் என்று உயர்கல்வித்துறை அமைச்சர் பொன்முடி கூறியுள்ளார்.
webteam
0
86
சென்னை தலைமைச் செயலகத்தில் செய்தியாளர்களுக்கு பேட்டி அளித்த அவர், தேர்வு மையங்கள் வெகு தூரத்தில் உள்ள காரணத்தினால் தேர்வு ஒத்திவைக்கப்பட்ட தொழில்நுட்ப கல்வி விரிவுரையாளர்களுக்கான தேர்வு டிசம்பர் 8ம் தேதி முதல் 5 நாட்களுக்கு நடைபெறும் என்றார்.
நவம்பர் மாதத்தில் வங்கி தேர்வு மற்றும் நெட் தேர்வு நடப்பதால் இந்த தேர்வை டிசம்பர் 8-ஆம் தேதி நடத்தவுள்ளதாகவும், தேர்வர்கள் யாரும் அச்சம் கொள்ளத் தேவையில்லை என்றும் குறிப்பிட்டுள்ளார்.
மேலும் , வன்னியர்களுக்கான 10. 5% இட ஒதுக்கீடு ரத்தை எதிர்த்து தமிழக அரசு மேல்மேறையீடு செய்யும் என்றும், உச்சநீதிமன்ற உத்தரவை பொறுத்து இடஒதுக்கீட்டில் கல்லூரிகளில் இடம் கிடைத்தவர்களுக்கான நிலை தெரியவரும் என்றும் கூறியுள்ளார்.
