போதைப்பொருள் சோதனையில் பாசான சன்னா மரின்...!!!!
webteam
ஃபின்லாந்தில் கடந்த வாரம் கசிந்த ஒரு வீடியோவில் மரின் அவரது நண்பர்கள் மற்றும் பிரபலங்கள் குழுவுடன் நடனமாடுவதும், பார்ட்டி செய்வதும் உலகம் முழுவதும் சர்ச்சையை உருவாக்கியது.
வீடியோவில் கேட்கப்பட்ட கருத்துக்கள் போதைப்பொருளைக் குறிப்பிடுவதாக சிலர் விளக்கம் அளித்தனர், இது சமூக ஊடகங்களில் பெரிதும் விவாதிக்கப்பட்டது மற்றும் பிரதமரால் இவை அனைத்தும் மறுக்கப்பட்டது.
வெள்ளிக்கிழமை தனது இல்லத்தில் செய்தியாளர்களிடம் பேசிய அவர், "சந்தேகங்களைத் தீர்க்க, நான் இன்று போதைப்பொருள் பரிசோதனையை மேற்கொண்டுள்ளேன்” என்று கூறியிருந்தார்.
பார்ட்டியில் கலந்துகொண்டு மது அருந்தியதை ஒப்புக்கொண்டார் சன்னா மரின். போதைப்பொருள் உட்கொள்ளவில்லை என்றும் கலந்துகொண்டவர்கள் எவரும் போதைப்பொருள் பயன்படுத்தியதைக் காணவில்லை என்றும் அவர் கூறியிருந்தார்.
"என் வாழ்நாளில், என் இளமையில் கூட, நான் எந்த போதைப்பொருளையும் பயன்படுத்தியதில்லை" என்றும் அவர் கூறியிருந்தார்.
சன்னா மரின் 2019 ஆம் ஆண்டு 34 வயதில் உலகின் இளம் வயது பிரதமராக நியமிக்கப்பட்டவர் .
உலகின் இளம் பிரதமரான சன்னா மரின் பார்ட்டியில் இருந்த வீடியோ வெளிவந்ததைத் தொடர்ந்து அவர் கடும் விமர்சனங்களுக்கு உள்ளாக்கப்பட்டதைத் தொடர்ந்து "சந்தேகங்களை நீக்க" எடுத்த மருந்து சோதனையில் எதிர்மறையான முடிவு கிடைத்தது என்று அவரது அலுவலகம் தெரிவித்துள்ளது.
சன்னா மரின் சிறுநீர் மாதிரியில் கோகோயின், ஆம்பெடமைன், கஞ்சா மற்றும் ஓபியாய்ட்ஸ் போன்ற பல்வேறு போதைப்பொருட்கள் உள்ளதா என பரிசோதிக்கப்பட்டதாக பிரதமரின் சிறப்பு ஆலோசகர் ஐடா வல்லின் செய்தி ஊடகங்களுக்கு தெரிவித்துள்ளார்.
"19 ஆகஸ்ட் 2022 அன்று பிரதம மந்திரி சன்னா மரினிடம் இருந்து எடுக்கப்பட்ட மருந்துப் பரிசோதனையில் மருந்துகள் இருப்பதை வெளிப்படுத்தவில்லை" என்று சன்னா மரினின் அலுவலகம் ஒரு அறிக்கையில் கூறியுள்ளது மேலும் முடிவுகள் மருத்துவரால் கையொப்பமிடப்பட்டுள்ளதாகவும் கூறியுள்ளனர்.
மக்களிடையே நடத்தப்பட்ட ஒரு கருத்துக் கணிப்பில், பதிலளித்தவர்களில் மூன்றில் இரண்டு பங்கினர் அவரது பார்ட்டி நிகழ்வை தவறான செயல் என்று கருத்து தெரிவித்துள்ளனர்.
இதையும் படிக்க: இலவசங்களுக்கு தடையா...??மக்களின் நிலைப்பாடு என்ன??
